20-hadovamu haradziencu vynieśli surovy prysud pa pratesnych artykułach
Hrodzienski abłasny sud vynies surovy prysud 20-hadovamu žycharu Hrodna Siarhieju Rabcavu, jakoha abvinavacili ŭ raspalvańni sacyjalnaj varožaści, masavych biesparadkach, a taksama abrazie i paklopie na Alaksandra Łukašenku, paviedamlaje «Viasna».
Spravu razhladaŭ sudździa Mikałaj Račynski.
Siarhieja Rabcava zatrymali 30 vieraśnia 2021 hoda pieršapačatkova z-za kamientara paśla hibieli ŭ Minsku ŭ vyniku pierastrełki supracoŭnika KDB Dźmitryja Fiedasiuka i it-śpiecyjalista Andreja Zielcera.
Bolš za hod da suda małady čałaviek utrymlivaŭsia ŭ turmie №1 Hrodna.
Napačatku vieraśnia 2022 hoda stała viadoma, što proźvišča Rabcava ŭniesiena ŭ śpis asob, datyčnych da terarystyčnaj dziejnaści, jaki składaje KDB.
Sudovy praces, pra jaki pakul vielmi mała infarmacyi, pačaŭsia 24 kastryčnika.
Siarhieja Rabcava abvinavacili ŭ abrazie prezidenta (č. 1 art. 368 Kryminalnaha kodeksa), paklopie na prezidenta (č. 1 art. 367 Kryminalnaha kodeksa), raspalvańni inšaj sacyjalnaj varožaści (č. 1 art. 130 Kryminalnaha kodeksa), abrazie pradstaŭnika ŭłady (art. 369 Kryminalnaha kodeksa), a taksama ŭ masavych biesparadkach (č. 1 art. 293 Kryminalnaha kodeksa).
Sudździa Račynski pastanaviŭ pryznać Rabcava vinavatym i pa sukupnaści złačynstvaŭ pryznačyć kančatkovaje pakarańnie ŭ vyhladzie pazbaŭleńnia voli terminam na šeść z pałovaj hadoŭ.