Znajści
Ałharytmičny łacinski varyjant
18.05.2024 / 11:148RusŁacBieł

U Homieli ŭpiska skončyłasia 47 pratakołami i 2 kryminałkami. Haspadar kvatery trapiŭ u kałoniju

Zapaminalnuju viečarynku zakacili ŭ 51-m mikrarajonie Homiela. 

Upiska. Ilustracyjnaje fota.

Infarmacyju pra miesca i čas zboru apublikavali ŭ internecie. U vyniku na ŭpisku padciahnulisia 12 čałaviek. U asnoŭnym niepaŭnaletnija, mnohija nieznajomyja pamiž saboj.

Paśla 23-j hadziny viečara šum praciahvaŭsia, i susiedzi vyklikali milicyju. Siłaviki znajšli ŭ moładzi ałkahol i pavieźli ŭsich u pastarunak.

«Udzielniki viečaryny prajšli abaviazkovy ŭ takich vypadkach ahlad, i vyjaviłasia, što ŭsie jany ŭžyvali ałkahol. U pastarunak adrazu ž vyklikali baćkoŭ, da jakich užo ŭžytyja administracyjnyja miery. Dla samich parušalnikaŭ usio abiarnułasia pastanoŭkaj na ŭlik u narkadyspansiery i inśpiekcyi pa spravach niepaŭnaletnich. Ustanovy adukacyi, dzie dzieci vučacca, taksama pastaŭleny ŭ viadomaść», — raskazaŭ načalnik adździaleńnia pa narkakantroli i supraćdziejańni handlu ludźmi Savieckaha RAUS Alaksandr Krasoŭski.

Dalej — bolš. U telefonie ŭ 20-hadovaha ŭdzielnika viečarynki supracoŭniki milicyi znajšli aholenyja zdymki niepaŭnaletniaj navučenki adnaho z kaledžaŭ horada. A pakolki chłopiec pierasyłaŭ fota svaim znajomym, to jaho dziejańni paciahnuli na artykuł ab vyrabie i raspaŭsiudzie dziciačaj parnahrafii. Ciapier parušalniku pahražaje turemny termin.

Haspadaru kvatery taksama dastałasia. Akazałasia, što jon byŭ na chatniaj chimii za ŭchileńnie ad vojska.

Paśla viečarynki chłopcu zrabili pakarańnie bolš žorstkim. U vyniku jon adpraviŭsia adbyvać termin u kałoniju.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
56
Ха-ха
21
Ого
6
Сумна
2
Абуральна
13
1
Malčyk /adkazać/
18.05.2024
A dzie daviedki, k.vy?
0
Maksim Dizajnier/adkazać/
19.05.2024
NN, foto - začot!
0
hierdzień /adkazać/
19.05.2024
małajcy, kłasnyja metady - kali niepaŭnaletni pjany, to ŭ pastarunak, raździarbanić jamu psychiku i zrabić zašuhanym. vyratavali. chacia, chto b sumniavaŭsia, heta ž "milicyja"
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera