Znajści
Ałharytmičny łacinski varyjant
18.05.2024 / 10:476RusŁacBieł

Dziaržaŭnyja ŚMI nazyvajuć sudździu Šmita «dysidentam». A što nasamreč značyć heta słova?

Biełaruskija ŚMI praciahvajuć vykarystoŭvać źbiehłaha polskaha sudździu Tomaša Šmita ŭ svaich prapahandysckich metach. Pry hetym jany paśladoŭna nazyvajuć Šmita «polskim dysidentam».

Fota: BiełTA

Samo słova «dysident» pachodzić ad łacinskaha dissidens, što aznačaje «niazhodny».

U roznyja časy hetaje słova mieła roznaje značeńnie. Naprykład, paśla Bieraściejskaj unii 1596 hoda «dysidentami» nazyvali pravasłaŭnych Rečy Paspalitaj. U toj ža čas u Anhlii hetaje słova vykarystoŭvali da členaŭ pratestanckich hrup. Ich jašče nazyvali «nonkanfarmistami».

U paślavajenny čas słova «dysident» tryvała ŭvajšło ŭ leksiku krain Uschodniaj Jeŭropy i SSSR. Tak stali nazyvać hałoŭnym čynam ludziej, jakija imknulisia niehvałtoŭnymi srodkami supraćstajać tatalitarnym režymam. Najbolš raspaŭsiudžanym sposabam vykazvańnia svaich dumak u dysidentaŭ byli samvydavieckija teksty i vydańni.

Suprać dysidentaŭ ułady vykarystoŭvali raznastajnyja srodki ad tak zvanych «prafiłaktyčnych hutarak» i karnaj psichijatryi da turemnaha źniavoleńnia i fizičnaj raspravy.

Ciapier dysidentam pryniata nazyvać čałavieka, jaki adstojvaje pohlady, što radykalna razychodziacca z ahulnapryniatymi, što časta pryvodzić da jaho hanieńniaŭ, pieraśledu i represij z boku aficyjnych uładaŭ.

Kab adpaviadać vobrazu dysidenta, Šmit 7 maja zajaviŭ ab tym, što bajaŭsia vykazvać svaje pohlady ŭ Polščy, ab pahrozach fizičnaj raspravy i sihnałach, jakija havaryli ab tym, što jamu treba «źniknuć z Polščy».

8 maja biełaruski filijał rasijskaha ahienctva Sputnik upieršyniu nazvaŭ jaho «dysidentam». Hetaje vyznačeńnie padchapili biełaruskija ŚMI.

Zahałoŭki navinaŭ pra Šmita na sajcie haziety «Źviazda». Pieršy raz słova «dysident» vykarystana 8 maja.

9 maja pierabiežčyk u svaim telehram-kanale zajaviŭ ab tym, što byccam by polskija śpiecsłužby chočuć adpravić za im najomnych zabojcaŭ.

13 maja ŭ Vikipiedyi źjavilisia identyčnyja artykuły na biełaruskaj i ruskaj movach, dzie Šmit taksama nazyvajecca dysidentam.

Admietna, što, słova «dysident» u ich nie supravadžajecca, jak hety zvyčajna robicca, hipierspasyłkaj na adpaviedny artykuł u Vikipiedyi. Na samoj spravie mnohija ekśpierty schilajucca da taho, što Šmit daŭno byŭ zakanśpiravanym ahientam rasijskich śpiecsłužbaŭ, jaki vyjechaŭ z Polščy i praciahvaje pracavać u intaresach Maskvy, ciapier užo ŭ prapahandysckich metach.

Čytajcie taksama:

Sudździa, jaki ŭciok u Minsk, pryjšoŭ na intervju z hieorhijeŭskaj stužkaj — jaho nazvali «polskim dysidentam»

«Na jaho žyćcio palujuć ahienty CRU, a jon hulaje pa Minsku, prosta sarvihałava»

U kanałach, jakija «viadzie sudździa Šmit», śmiešnaja polskaja mova

U Rasii zatrymali dysidenta, jakoha Pucin pieraśledavaŭ jašče ŭ SSSR

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
9
Ха-ха
5
Ого
0
Сумна
2
Абуральна
3
0
Ćchu/adkazać/
18.05.2024
Acab, što vy tryźnicie? Pravasłaŭje pryjšło na ŭkrainskija ziemli ź Vizantyi, a nie z Maskovii. Toje ž samaje i na biełaruskich ziemlach. Tamu maskoŭskaja siekta rpc, jakaja stvorana stalinym, pa vyznačeńniu nie moža być dysidenckaj.
3
Acab/adkazać/
18.05.2024
Ćchu, navat palityčna čujnyja žurnalisty napisali vam ŭ artykule, što dysydenty hetatyja, chto suprać mejnstrymu iduć. A što dysydenty heta tyja, chto pryjšoŭ ź Bizantyi, nie napisali. Vo jak
2
Acab/adkazać/
18.05.2024
Ćchu, patłumaču pra Šmitavaje dysydenctva. Za časam papiaredniej partyi ŭva ŭradzie Polščy, jon byŭ całkam mejnstrymavy, ažno zanadta zadziejničany ŭ mejnstrymie. Jak letaś ŭ kastryčniku źmianiłasia ŭradavaja partyja, to Šmitaŭtamatam staŭ suprać mejnstrymu, možna nazvać i dysydentam. Novaja partyja pryhadała i mahła macniej pryhadać papiaredniuju mejnstrymavuju aktyŭnaść Šmitu, to apošni i pamierkavaŭ dać drapaka. Vo jak
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera