Znajści
Ałharytmičny łacinski varyjant
18.05.2024 / 12:034RusŁacBieł

Pamiatajecie chłopca z «Biełarusnafty», jaki adsiadzieŭ 3 hady za abaronu pratestoŭca? Znajšoŭsia toj, kaho jon ratavaŭ ad siłavikoŭ

Niadaŭna «Naša Niva» raskazvała pra Kanstancina Michalcova, supracoŭnika «Biełarusnafty», jaki adsiadzieŭ try hady za abaronu pratestoŭca padčas akcyi ŭ ich rodnaj Rečycy. Navinu pra jaho vyzvaleńnie ŭbačyŭ toj samy mužčyna, jakoha Kanstancin sprabavaŭ vyrvać z ruk siłavikoŭ — Ivan Karpienka cudam paśpieŭ vyjechać ź Biełarusi, paźbiehnuŭšy kryminałki, i ciapier žyvie ŭ ZŠA.

«Pabačyŭšy na «Bajsoł» zbor na padtrymku Kości ja vielmi abradavaŭsia, što jon na voli. Ale try hady prosta ni za što… Prykra i kryŭdna, što heta adbyvajecca».

Ivan Karpienka. Fota z asabistaha archiva hieroja.

Ivan raskazvaje, što adrazu ž pieravioŭ Kanstancinu ad siabie 100 dalaraŭ. Taksama padklučyŭ da zboru dyjasparu Minieapalisa, dzie ciapier žyvie, i svaich siabroŭ — hetkaja padziaka za sprobu adbić ad milicyjanieraŭ, chacia ŭ ludziej tady i nie atrymałasia.

«My vyjšli na haradskuju płošču Rečycy 9 žniŭnia adrazu paśla vybaraŭ», — zhadvaje padziei taho dnia sa svajho boku Ivan. «Paśpieła sabracca čałaviek 100, prosta razmaŭlali. U mianie adzinaha byŭ ściah. Ja jaho dastaŭ — i praz 15-20 chvilin źjavilisia milicyjaniery, pryčym u paradnaj vybarčaj formie. Ich było čałaviek 20, i jany pačali mianie adrazu zatrymlivać. Ludzi sprabavali adbić, ja vieryŭ, što ŭ ich atrymajecca, ale, na žal, nie. Mianie zabrali z Kastusiom. My byli razam u mašynie, navat nie pamiataju, ci razmaŭlali my pra što, bo da RAUS jechać litaralna niekalki chvilin. A potym nas raźviali pa roznych kamierach, i my bolš nie bačylisia.

Paźniej, nakolki ja viedaju, pa videazapisach vyličyli jašče paru čałaviek, jakija mianie taksama ratavali. Ale ja nie ŭ kursie, chto jany i jakija terminy im prysudzili».

Ivan adsiadzieŭ 10 sutak. Paśla praciahvaŭ vychodzić na akcyi, za adnu ź ich atrymaŭ štraf na tysiaču rubloŭ. Viasnoj 2021-ha znajomy z Rečycy raspavioŭ jamu, što za padziei 9 žniŭnia pačali zavodzić kryminalnyja spravy — litaralna za dzień Ivan sabraŭ rečy i razam ź siabram vyrašyŭ jechać u Hruziju praz Rasiju.

«A tady ž kavidnyja abmiežavańni jašče byli, i my doŭha nie mahli prajechać praź miažu — čakali ŭsiu noč, kamu b tam dać chabar, kab nas prapuścili. A rankam mnie zvanok z SK z prośbaj zajści da śledčaha».

Ivan kaža, što ŭsio adno nie moh rassłabicca, nie adčuvaŭ siabie na 100% biaśpiečna, tamu vyrašyŭ jechać tudy, dzie jaho «dakładna nichto nie dastanie» — u ZŠA.

Dla dasiahnieńnia svajoj mety jon pieraadoleŭ niaprosty šlach: Hruzija — Polšča — Ispanija — Kuba — Mieksika — ZŠA. Pryčym u Mieksicy pryjšłosia prabyć čatyry miesiacy — stolki čakaŭ akienca dla lehalnaha pierachodu miažy paśla rehistracyi ŭ śpiecyjalnym dadatku CBP One, jaki dapamahaje kantralavać płyń mihrantaŭ.

«U Mieksicy ja paznajomiŭsia ź jašče adnym biełarusam. Jon prajšoŭ praz Akreścina. My ź im razam zdymali žytło ŭ Mieksicy, a ciapier razam žyviem u Minieapalisie», — raskazvaje Ivan.

Fota z asabistaha archiva hieroja.

Mužčyna vybraŭ Minieapalis, bo tam žyvie jaho siabar dziacinstva. Ciapier jon znachodzicca ŭ čakańni mihracyjnaha suda, ale maje prava na pracu. Ivan uładkavaŭsia majstram pa kładcy padłoh — heta dazvalaje apłačvać žytło i adkładvać hrošy na advakata, jaki spatrebicca jamu dla dalejšaj lehalizacyi.

«Jašče tut vielmi družnaja biełaruskaja dyjaspara, usim dapamahajuć. Niadaŭna ludzi skinulisia i kupili budynak, kab tut adkryć Biełaruski dom», — raskazvaje Ivan.

Paśla adjezdu supracoŭniki orhanaŭ sprabavali cisnuć na jaho praz maci: niekalki razoŭ prychodzili da jaje, praviali doma vobšuk.

«Ale ja razumieju, što ŭsio roŭna ciapier u Biełaruś nie pryjedu ni pry jakich abstavinach», — kaža surazmoŭca.

U budučyni jon maryć viarnucca ŭ pokier, jakim zajmaŭsia apošnija 10 hod. «Ja byŭ u im vielmi dobry. Moh zarablać u miesiac pad try tysiačy dalaraŭ u svajoj katehoryi. Biełarusy ŭvohule adny z najmacniejšych hulcoŭ u hetaj śfiery, pa maich nazirańniach».

Fota z asabistaha archiva hieroja.

Ivan kaža, što napisaŭ Kanstancinu sa słovami padtrymki, ale nie kazaŭ, što jon — mienavita toj čałaviek, jakoha Kastuś sprabavaŭ adbić u milicyi 9 žniŭnia 2020-ha.

«Kryŭdna, što ŭsio tak atrymałasia. Ale na miescy Kości ja pavioŭ by siabie hetak ža. Usie my darosłyja i razumieli, na što idziom».

Čytajcie taksama:

«Dziaŭčyna, ź jakoj byli razam 6 hadoŭ, nie zachacieła adnosinaŭ». Jak supracoŭnik «Biełarusnafty» adsiedzieŭ 3 hady za abaronu pratestoŭca

«Daviedalisia pra ciažarnaść žonki i nabyli kvitki»: biełarus dva tydni žyŭ na moście ŭ Mieksicy, kab trapić u ZŠA

SK pahražaje zabrać kvatery ŭ 104 udzielnikaŭ śviatkavańnia Dnia Voli za miažoj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
53
Панылы сорам
4
Ха-ха
2
Ого
1
Сумна
6
Абуральна
8
6
hoblen/adkazać/
18.05.2024
Šta?Stajać mla! A Otčiznu chto zoŝyŝať budiet? Stanisłavovič iz Bruklena? Ili Surviłła iz Kanady? Vy s uma sošli? Stajať raz-dva! Našiej Rodinie nužny žaŭniery, a baby rožajut kołbasnych utiekačiej! Užosnach! :)))
0
Acab/adkazać/
18.05.2024
Bless U
0
Kazimir/adkazać/
18.05.2024
hoblen, Jany viernucca. U składzie biełaruskaj vyzvolnaj armii, bo tarakan nie ŭtrymajecca ad novaha ŭvarvańnia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera