Volha Sieviaryniec vypuściła kalandar z malunkami źniavolenaha muža
Žonka palityka raspaviała, jak listy na volu ad muža padšturchnuli jaje da novych idej.
Pavieł Sieviaryniec znachodzicca za kratami z 7 červienia 2020 hoda. Letaś u mai palityka asudzili na siem hadoŭ kałonii ŭzmocnienaha režymu za «arhanizacyju masavych biesparadkaŭ». Palitviazień adbyvaje pakarańnie ŭ Škłoŭskaj papraŭčaj kałonii №17.
«Asablivych navin ad Paŭła niama, chacia listy dachodziać i mnie, i synu Francišku, — raspaviała «Narodnaj Voli» Volha Sieviaryniec. — Jak viadoma, Pavieł rehularna dasyłaŭ u listach roznyja malunki, u tym liku i vyjavy chramaŭ, i heta stała padstavaj, kab realizavać niekatoryja idei.
Kalandar užo nadrukavany. Na malunkach — chramy, a taksama słovy muža pra vieru i Boha.
«U najbližejšy čas ja płanuju prarekłamavać hety malaŭničy kalandar, ale pakul niama dobrych fotazdymkaŭ», — kaža Volha.
