Adklučać aciapleńnie ŭ Minsku pakul nie płanujuć
Z ulikam prahnazavanaha pachaładańnia adklučeńnie aciapleńnia ŭ Minsku pakul nie płanujecca ni ŭ jakoj z hrup spažyŭcoŭ. Pra heta Minsk-Navinam paviedamiŭ namieśnik načalnika ŭpraŭleńnia haradskoj haspadarki i enierhietyki Minharvykankama Dźmitryj Marcinkievič.
Ilustracyjnaje fota «Naša Niva»
Rašeńnie pra zakančeńnie aciaplalnaha siezona ŭ Minsku prymaje Minharvykankam. Pry hetym śpiecyjalisty kirujucca patrabavańniami praviłaŭ padrychtoŭki arhanizacyj da aciaplalnaha siezona, jaho praviadzieńnia i zaviaršeńnia.
Jany kažuć, što aciapleńnie spažyŭcoŭ sacyjalnaj śfiery (balnicy, dziciačyja sady, škoły) prypyniajecca pry ŭstalavańni siaredniasutačnaj tempieratury vonkavaha pavietra +10 hradusaŭ, u žyłym fondzie — pry +8 hradusach na praciahu troch dzion, a taksama pry spryjalnym dalejšym prahnozie nadvorja.
Kali z paciapleńniem u kvatery stała zanadta horača, pra heta varta paviedamić na 115. Śpiecyjalisty adrehulujuć padaču ciapła.
Zrešty, u pieravažnaj bolšaści šmatkvaternych damoŭ horada ŭstanoŭleny sistemy aŭtamatyčnaha rehulavańnia ciepłaspažyvańnia, jakija reahujuć na tempieraturu na vulicy i kantralujuć padaču ciepłanośbita zychodziačy ź jaje.
Čytajcie taksama:
U Biełarusi pačali adklučać aciapleńnie
Aciapleńnie zaraz u Biełarusi buduć uklučać chutčej
Sinoptyki papiaredzili pra niebiaśpiečnyja ŭmovy nadvorja siońnia