Rasśledavańnie BBC: Rasija kradzie ŭkrainskaje zbožža
BBC vyjaviła dokazy kradziažu tysiač ton ukrainskaha zbožža rasijskimi vojskami.
Maskva admaŭlaje abvinavačvańni ŭ kradziažy, ale było ŭstanoŭlena, što pryznačanyja Rasijaj na akupavanych terytoryjach ułady vydajuć ukazy, u jakich havorycca, što jany «nacyjanalizujuć» ukrainskaje zbožža.
Adzin ź fiermieraŭ na akupavanych terytoryjach raskazaŭ, što rasijskija sałdaty pryjechali na jaho fiermu, kab zabrać zapasy zbožža. Žurnalisty atrymali vyjavy z kamier videanazirańnia, na jakich bačnyja sałdaty na fiermie, adzin ź jakich biespaśpiachova sprabuje stralać pa kamierach. Žurnalisty adsačyli ruch hruzavikoŭ fiermiera ŭ Krym, a paśla na macierykovuju častku Rasii.
Ukrainskija aficyjnyja asoby ličać, što z momantu ŭvarvańnia 4 miesiacy tamu było skradziena da 800 tysiač ton zbožža. Aficyjnyja asoby ZŠA nazvali dzieviać karabloŭ, jakija, jak miarkujecca, pieravozili skradzienaje ŭkrainskaje zbožža z Kryma ŭ inšyja častki śvietu.
