Daktary raspaviali, ci treba vakcynavać chatnich hadavancaŭ ad karanavirusa
Ad 80 da 100% katoŭ źjaŭlajucca nośbitami karanavirusa, jaki čaściej za ŭsio prachodzić bieśsimptomna
Ciapier niama nieabchodnaści vakcynacyi chatnich hadavancaŭ, raspavioŭ RBK dyrektar Fiederalnaha daśledčaha centra virusałohii i mikrabijałohii Dzianis Kaŭbasaŭ. Pavodle jaho słoŭ, vakcynacyja žyvioł pačata tolki ŭ Rasii, i mižnarodnych rekamiendacyj pa jaje praviadzieńni niama.
«Paśla situacyi z norkami ŭ Jeŭropie była praanalizavanaja ryzyka zaražeńnia ludziej, i było vyśvietlena, što na dadzienym etapie vakcynacyja niemetazhodnaja», — skazaŭ Kaŭbasaŭ. Jon dadaŭ, što ŭłady pavinny rehłamientavać umovy prymianieńnia vakcyny, adnak pakul adpaviednych dakumientaŭ u Rasii niama.
Na dumku vieterynarnaha doktara vyšejšaj kvalifikacyjnaj katehoryi Michaiła Šalakova, vakcynacyja žyvioł — heta «dosyć marnaje mierapryjemstva», bo dakładnych danych ab pieradačy virusa ad žyvioł da čałavieka niama.
«Ab karanavirusnych infiekcyjach u žyvioł my viedajem daŭno, i nikoli jany da hrupy niebiaśpiečnych nie adnosilisia. Pavodle roznych źviestak, ad 80 da 100% katoŭ źjaŭlajucca nośbitami karanavirusa, i heta nie pryvodzić da vymirańnia vidu, i čaściej za ŭsio prachodzić bieśsimptomna», — zajaviŭ jon u razmovie z RBK.
Šalakoŭ adznačyŭ, što žyvioła moža pieranieści virus u litaralnym sensie na sabie, nie byŭšy pry hetym infikavanaj. «Ujavim takuju sytuacyju, što chvory čałaviek plunuŭ, <…> sabaka nastupiŭ u ślinu, u bijałahičnuju vadkaść, potym pačuchaŭsia, a vy jaho pahładzili — voś, kali łaska, vy zarazilisia ad žyvioły, ale prosta tamu, što na joj, jak na elektryčcy, virus pierajechaŭ», — pryvioŭ jon prykład.
Vakcynacyja chatnich hadavancaŭ ad COVID-19 u pieršuju čarhu maje na mecie zaścierahčy čałavieka i pierapynić łancužok cyrkulacyi virusa, raspavioŭ RBK doktar bijałahičnych navuk, člen-karespandent RAN Alaksiej Zabiarežny.
