Магілёвец праз рэўнасць зарэзаў суседа

Магілёвец праз рэўнасць забіў 45-гадовага суседа. Труп мужчыны з нажавым раненнем у вобласці шыі быў знойдзены 10 жніўня ў кватэры дома.

47-гадовы ўладальнік кватэры, дзе знайшлі труп, у той вечар выпіваў у кампаніі сужыцелькі і пляменніцы. Увечары да іх завітаў сусед, яму таксама прапанавалі выпіць. П'яны ўладальнік кватэры, які і ў цвярозым стане прыдзірліва ставіўся да поглядаў чужых мужчын у бок сяброўкі, стаў яе раўнаваць. А калі госць пачаў прыставаць да жанчыны, здарыўся канфлікт.

Мужчына схапіў са стала нож і ўдарыў ім суседа ў шыю — мужчына атрымаў смяротную рану. Апамятаўшыся, гаспадар кватэры выбег і стаў клікаць на дапамогу.

Падазраванага затрымалі.

mogilevnews.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0