Знайсці
22.05.2024 / 15:402РусŁacБел

Легендарны клуб «Рэактар» зноў адкрыецца гэтым летам

Легендарнае месца для тых, чыя маладосць выпала на «нулявыя», мінскі клуб «Рэактар» зноў адкрыецца летам пад кіраўніцтвам новых уладальнікаў. Як паведаміла новая ўладальніца культавага памяшкання на Веры Харужай, 29, рамонт і ўсе патрэбныя падрыхтоўчыя працы ўжо ідуць поўным ходам. Хто займаецца праектам, што застанецца ад старога «Рэактара» і калі чакаць адкрыцця, піша Onlíner.

Усе фота: Ганна Іванова, архіў героя

Новую ўладальніцу памяшкання, якая вырашыла ўваскрэсіць легенду, зваць Святлана Рамонка. У нядаўнім мінулым яна арганізатар рок-канцэртаў у мінскіх клубах. Працавала з гуртамі «Пілот» і «Кукрыніксы», арганізоўвала прэмію «У кедах», якая праходзіла ў пачатку 2010-х у не менш значным клубе «Цэнтр». Таксама, калі загугліць яе імя, то можна знайсці мноства інфармацыі пра працу «вядучай мерапрыемстваў і вяселляў».

 

— Мы з партнёрам выпадкова даведаліся, што клуб Rich Cat, які доўга знаходзіўся на месцы былога «Рэактара», зачыніўся і памяшканне зноў здаецца ў арэнду. Было вырашана аднавіць легенду. У свой час «Рэактар» быў самым культавым клубам у горадзе, і мы памятаем пра гэта. Я патэлефанавала стваральніку арыгінальнага «Рэактара», і ён афіцыйна ўхваліў ідэю і дазволіў карыстацца назвай. Ён быў вельмі рады, што яго стварэнне атрымае новае жыццё.

 

Мы хочам захаваць рознабаковую працу клуба, абʼяднаць пад адным дахам усе субкультуры — ад року да рэйву і рэпу. Плануем дапамагаць лакальным беларускім музыкам, даючы ім магчымасць выступіць на буйной пляцоўцы. Апроч жывых канцэртаў, на пляцоўцы таксама будуць праходзіць вечарыны з дыджэямі. Ужо зараз нам паступаюць прапановы ад арганізатараў. 

Цяпер на пляцоўцы ідзе рамонт. У планах усталяваць магутны гук і стварыць новы сучасны дызайн памяшканняў, захаваўшы пры гэтым дух старога «Рэактара». Першы паверх будзе выкананы ў стылі стымпанк, а другі будзе адаптаваны пад Вальгалу і стыль вікінгаў. «Рычкэтаўскіх» вялізных катоў мы аддамо назад — аказалася, што яны знаходзяцца на балансе ГГУ.

 

Каманда людзей, якая будзе займацца клубам, ужо набрана. Арт-дырэктарам, да прыкладу, стане даволі вядомы спадар Болт, які раней быў арт-дырэктарам Beer&Wine. Ужо ў сярэдзіне ліпеня адкрыецца летняя кавярня і банкетная зала, дзе можна будзе адпачыць і паабедаць. 

— Сам абноўлены «Рэактар» плануем адкрыць у канцы ліпеня вялікай двухдзённай вечарынкай. У першы дзень будзе рок-канцэрт, а другі дзень мы аддамо пад электронную музыку ці хіп-хоп, каб публіка мела ўяўленне пра рознабаковы фармат працы клуба. Па выходных у новым «Рэактары» мы будзем ладзіць вечарынкі да самай раніцы — усё як у старыя добрыя, — распавяла Святлана.

Чытайце таксама:

У мінскі паб на дыджэй-сэт расійскага коміка ўварваліся сілавікі

Вольскі пра Міхалка: Я думаю, што Сярожа выруліць

«Петля Пристрастия» выпраўляецца ў еўратур

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
10
Панылы сорам
7
Ха-ха
1
Ого
2
Сумна
0
Абуральна
2
0
Кастусь/адказаць/
22.05.2024
Дааа, помню как в самом начале 2000х там в лыч получали))) Незабываемые впечатления)
0
Будынак/адказаць/
22.05.2024
Тамака выступау́ У.Высоцкі калі яшчэ "Рэактарам" і не "пахла" ...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930