Знайсці
22.05.2024 / 19:4116РусŁacБел

Вядомыя спартсмены выказалі публічны недавер кіраўніку БФСС Апейкіну

Вядомыя прадстаўнікі беларускага спорту, сярод якіх Аляксандра Герасіменя, Алена Леўчанка, Алег Дулуб, Вольга Мазуронак і многія іншыя, выдалі заяву, у якой выказалі вотум недаверу Беларускаму фонду спартыўнай салідарнасці і ягонаму цяперашняму кіраўніку Аляксандру Апейкіну.

Аляксандр Апейкін. Скрын з відэа тэлеканала «Белсат»

Падпісанты заявы, называючы сябе «прадстаўнікамі свабоднага спорту Беларусі», нагадаўшы, што ў 2020 годзе яны адкрыта выступілі супраць фальсіфікацыі вынікаў прэзідэнцкіх выбараў ды наступнага ўладнага гвалту над беларусамі, за што асабіста пацярпелі, канстатуюць, што

«сёння на міжнароднай арэне нас спрабуюць прадстаўляць людзі, якія не маюць або страцілі такое права».

Сваёй заявай падпісаны выказваюць вотум недаверу выканаўчаму дырэктару Беларускага фонду спартыўнай салідарнасці (BSSF) Аляксандру Апейкіну. Прычынамі яго называюцца наступныя:

  • неналежнае выкананне ўзятых на сябе абавязкаў перад спартсменамі;

  • распаўсюд паклёпу і правакацый у дачыненні да нашых калегаў, а таксама распаўсюд ілжывых выказванняў і маніпуляцый у супольнасцях і групах;

  • невыкананне даўгавых абавязкаў, адсутнасць празрыстай фінансавай справаздачнасці ў дзейнасці на пасадзе выканаўчага дырэктара Беларускага фонду спартыўнай салідарнасці;

  • прысваенне ў якасці асабістых заслуг агульных дасягненняў, не ўлічваючы ўклад калектыву і не ацэньваючы ўдзельнікаў, якія працавалі над асноўнымі праектамі, што прывяло да сыходу спецыялістаў і пераўтварэння раней магутнай структуры Беларускага фонду спартыўнай салідарнасці ў неэфектыўную арганізацыю, якая жыве на дасягненнях былых членаў каманды і падтрымкі спартсменаў;

  • прыняцце аднаасобнага рашэння аб сувязі спартыўнай арганізацыі з вайсковым падраздзяленнем, што прывяло да супрацьпраўнага палітычна матываванага пераследу беларускіх спартсменаў, якія знаходзяцца ў краіне;

  • папулісцкія інтэрвʼю, заявы і публікацыі ў сацыяльных сетках, якія змяшчаюць рыторыку, якая падтрымлівае злачынны рэжым Лукашэнкі, падрывае ўвесь дэмакратычны рух спартсменаў.

Адпаведна з гэтым, на думку людзей, якія падпісалі зварот, ні Аляксандр Апейкін, ні Беларускі фонд спартыўнай салідарнасці (BSSF) не ўпаўнаважаныя прадстаўляць інтарэсы прадстаўнікоў беларускай вольнай спартыўнай супольнасці.

Пад вотумам недаверу падпісаліся наступныя дзеячы беларускага спорту: Андрэй Гнёт, Святлана Кудзеліч, Вольга Сафронава, Сямён Букін, Яўген Вяроўка, Іван Ганін, Алег Дулуб, Яўген Цуркін, Сцяпан Папоў, Алена Леўчанка, Вадзім Крывашэеў, Сяргей Скіба, Аляксандра Герасіменя, Артур Удрыс, Вольга Мазуронак, Павел Шурмей, Раман Адамовіч, Аляксандр Вахавяк, Сяргей Далідовіч, Кацярына Шаркова, Святаслаў Кісялёў, Мікіта Рашэтнік, Ігар Жаваранак, Павел Сіцянкоў, Сяргей Шабанаў, Сяргей Прыжанкоў, Мікалай Шкляр, Аляксандр Букрэй, Андрэй Гунько, Васіль Вайцяховіч, Мікалай Ганчароў, Станіслаў Камінскі, Вітор Русін, Юрый Мартынаў, Віталь Аніхімоўскі, Васіль Савіч, Ігар Гарбаценка, Андрэй Карбоўскі.

Беларускі фонд спартыўнай салідарнасці быў створаны ў жніўні 2020 года, падчас пратэстаў у Беларусі. Ён мае аказваць фінансавую, псіхалагічную, арганізацыйную ды іншую дапамогу пацярпелым ад рэжыму, а таксама ўзаемадзейнічаць з міжнароднымі арганізацыямі па розных відах спорту. Першай яго кіраўніцай была плыўчыха Аляксандра Герасіменя, аднак у красавіку 2022 года яна прыняла рашэнне пакінуць гэтую пасаду.

Чытайце таксама:

Аляксандр Апейкін праанансаваў стрым з удзелам Надзеі Астапчук

Фонд спартовай салідарнасці хоча лабіраваць зняцце санкцый з дзіцяча-юнацкага спорту. Гэта выклікала спрэчку

Ці павінны дзеці чыноўнікаў адказваць за бацькоў?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
23
Панылы сорам
11
Ха-ха
1
Ого
8
Сумна
8
Абуральна
4
0
Ян Норман/адказаць/
23.05.2024
Гэты грантасос ужо спрабуе пусціць карані у ЗША праз стварэньне агульнай структуры з амерыканскай юрыдычнай фірмай (нада думаць-беларускага паходжаньня).Недзе паблізу пасьвіцца яшчэ адзін "змагар з незалежнасьцю"-нехта Буры,яго жонка і яго сын (у кожнага па уласнай "демократіческой ініціатіве").І такіх "ініціатів"-дзесяткі па сьвету.Хто і калі спыніць гэтую дыскрэдытацыю пратэстнага руху?
0
Джек Блэк/адказаць/
23.05.2024
Раймонд, Каждый такой "фонд" должен вернуться в Беларусь только через аудит и,если понадобится,через следствие.Когда это произойдёт?Не знаю.
0
Беларус/адказаць/
23.05.2024
Ян Норман, сыходзьце ад расейскамоўных, трэба адабраць у іх права выступаць ад імя беларусаў, няхай самі зарабляюць
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930