Знайсці
22.05.2024 / 17:587РусŁacБел

Дно Кахоўскага вадасховішча за год ператварылася ў сапраўдны вербавы гай

Эколаг Вадзім Манюк у інтэрв'ю выданню «Суспільне Дніпро» гаворыць, што «такой з'явы на планеце больш нідзе не існуе». Ён здзіўлены, бо чакаў, што на месцы вадасховішча ўзнікне шмат невялікіх вадаёмаў. Але калі яны там і ёсць, то вербы іх схавалі.

Расліннасць на месцы Кахоўскага вадасховішча. Фота: Суспільне. Дніпро

За амаль год пасля падрыву расійскімі войскамі Кахоўскай ГЭС на 150 тысячах гектараў штучна створанага вадаёма ўтварыўся густы лес. Флора, паводле слоў Вадзіма Манюка, тут разнастайная: вялікую тэрыторыю займае вярба вышынёй 2,5—3 метры, вадзяное шчаўе і заходні каркас.

«Абсалютна чакана было, што менавіта вярба зойме такія пазіцыі ў плаўнях. Гэта значыць яна заўсёды па рэках, па рачных далінах, уздоўж вадаёмаў першай рассяляецца на пясчаных водмелях, на косах. Адпаведна дно Кахоўскага мора ў першы год пасля разбурэння плаціны стала велізарнай такой пясчанай касой. Гэта проста ідэальныя ўмовы для прарастання вярбы. Уражвае тое, колькі насення, бо за адзін сезон фактычна зніадкуль хапіла, каб засеяць увесь вялікі луг. Амаль 150 тысяч гектараў прыродных насаджэнняў утварылася», — гаворыць Вадзім Манюк.

На беразе былога Кахоўскага вадасховішча. Фота: Суспільне. Дніпро

Паводле ягоных слоў, калі глядзець на лес у цэлым, то ён аднарослы — у сярэднім 2,5—3,5 метра ў вышыню. Новаму насенню, кажа эколаг, на гэтай мясцовасці ўжо няма шанцу прарасці, таму што няма праточнай вады. Таму цяпер дрэвы паміж сабой будуць канкураваць, а з часам пачнецца натуральны працэс самаразрэджвання: на 10 метраў застанецца адно дрэва.

Што тычыцца іншых раслін, то эколаг адзначае, што яны таксама будуць паступова знікаць.

«Шчаўе вадзяное — тыповы такі плаўневы від, яму патрэбная вада. Ён цяпер яе цягне з расколін у глыбіні, але калі далей нічога не будзе мяняцца, то тут будзе суша, і гэтыя віды паступова будуць знікаць», — кажа ён.

Трэшчына на дне былога Кахоўскага вадасховішча. Фота: Суспільне. Дніпро

Трэшчыны, якія ўтварыліся на дне Кахоўскага вадасховішча, расказвае Вадзім Манюк, таксама выконваюць экалагічную функцыю, з іх таксама прарастаюць расліны.

«Каркас заходні прарастае збоку, са шчылін, якія ўтварыліся пры трэсканні глею. Калі б тут была суцэльная глеба, без расколін, у гэтага насення не было б шанцаў прарасці. У гэтых трэшчынах якраз будзе самы багаты грунт з-за таго, што ў яго ўсё будзе сцякацца. Для нас гэта трэшчына, а для экасістэмы гэта нешта неабходнае. Тое, што стварае дадатковую біяразнастайнасць», — кажа эколаг.

Кахоўскае вадасховішча апусцела пасля падрыву дамбы Кахоўскай ГЭС расійскімі вайскоўцамі ў чэрвені мінулага года.

Чытайце таксама:

Кахоўскае вадасховішча больш не існуе, на яго месцы засталіся «лужыны»

Каля Запарожжа ў абмялелай пасля падрыву Кахоўскай ГЭС зоне Дняпра знайшлі старажытны дубовы човен

Кахоўскае вадасховішча ператварылася ў пустыню ФОТАФАКТ

Узарваная Кахоўская ГЭС: апублікаваны новыя спадарожнікавыя здымкі

«Ганебная абыякавасць». Зяленскі асудзіў рэакцыю свету на разбурэнне Кахоўскай ГЭС

У выніку знішчэння Кахоўскай ГЭС загінулі як мінімум восем чалавек

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
32
Панылы сорам
10
Ха-ха
2
Ого
16
Сумна
27
Абуральна
34
2
Андрусь/адказаць/
22.05.2024
Удакладню, што гэта каментар пад расійскаю версіяй артыкула на НН. Пабачыў раніцай такую навіну на расійскіх ТГ-каналах, якія асвятяюць навіны Украіны, а потым у НН. Думаю, а ці ж здагааюцца рэдактары расійскай версіі НН, што вярба - гэта па-руску і на сучасных мовах, якія выйшлі з рускае. А па-расійску гэты род раслінаў завецца "ива". Адмыслова зайшоў на расійскую моўную версію НН (хоць яна за расійска-савецкімі наратывамі пра адзін народ і схавана пад абрэвіятураю "рус" - нібыта "руская"). Але ж не - не здагалаліся, не спраўдзілі ў адпаведных батанічных і дэндралагічных крыніцах. Пішуць у расійскім варыянце беларускую ці ўкраінскую назву, якую прамаўляе ўкраінскі навукоўца ўкраінскаю моваю. І нават на мае паведамленні аб памылцы ў тэксце нуль рэакцыяў. Атрымліваецца, расійскі варыянт артыкула напісаны трасянкаю, альбо паводле формулы "хто как хаціт..." 
1
Максим Дизайнер/адказаць/
23.05.2024
Андрусь

Отцепись ты со своей моваю. Ту вербу, на которой растут классические котики вообще возле воды не встретить. У этой ивы есть туча разновидностей. А тут под одну вербу все остальные ивы в кучу сгребли.
0
дочка Максима Дизайнера/адказаць/
23.05.2024
а мой каментар наконт таго, што трэба батанік, каб разабрацца - "ива" то ці "верба", не змясцілі... :/ але батанік з'явіўся ўсё ж...) сапраўды - "ива" любіць ваду, а "верба" у засушлівых месцах расцёць

малы ставіў летам галінкі "ивы" у ваду, і яны хутка пускалі шмат-шмат каранёў і добра ўсе прыжыліся ў глебе потым
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930