U Minsk jedzie Mamonaŭ

Piotr Mamonaŭ vystupić u kłubie Re:Public (Prytyckaha, 62) 19 červienia

z prahramaj «Piotr Mikałajevič z treciaha padjezda» — uva što heta vyljecca, niezrazumieła.

U Maskvie, naprykład, Piotr Mikałajevič nie praśpiavaŭ na takim kancercie nivodnaj pieśni, zatoje pakazaŭ dakumientalny film «Mamon-Łoban» pra samoha siabie,

a ŭ druhoj častcy «pierformansa» adkazvaŭ na pytańni hledačoŭ. Raskazvaŭ usio bolej pra Boha i vieru. Adnak pry hetym paraŭnaŭ siabie z Džejmsam Braŭnam, i skazaŭ što jahonyja kancerty apošnim časam vielmi «funky».

A voś čaho nie varta čakać — tut zrazumieła:

Piotr Mamonaŭ ciapier zusim nie toj samy zvarjacieły «baćka rodny» z hurtu «Zvuki Mu».

Jaho šalonyja vystupy ŭ 1980-ja zacikavili navat takoha pradziusara, jak Brajan Ina (jaki, zdajecca, da Mamonava bačyŭ usio mahčymaje).

Heta vyliłasia ŭ pajezdku Brytaniju, dzie Mamonaŭ vypadkova vypiŭ usiu kalekcyju maračnych vinaŭ z padvała pradziusara,

patłumačyŭšy, što ŭ bary stajali takija pryhožyja butelki — ich škada było, a ŭ sutareńni znajšlisia staryja i pylnyja.

Lidar rasiejskaha intelektualna-psichadeličnaha roku, Mamonaŭ paśpieŭ papracavać pierakładčykam z narviežskaj, lifcioram, dvornikam, lubimym akcioram Paŭła Łunhina (usie pomniać dosyć prachadny film «Vostraŭ», ale zabylisia pra vysoka acenieny ŭ Kanach «Taksi-bluz»).

Apošnija dziesiać hadoŭ Piotr Mamonaŭ vystupaŭ ź dzivackimi monaśpiektaklami, a taksama vypuskaŭ albomy ź pieśniami kštałtu «bolej za ŭsio ja chaču jak paŭnočna-zachodni słon, vialiki i niazhrabny — jak staraja ladoŭnia: vykinuć škada, a miesca zajmaje šmat».

Schadzić na Piatra Mikałajeviča z treciaha padjezda varta chacia b tamu, što

kožnaje jahonaje šou — heta małapradkazalny pierformans.

Na papiarednim kancercie ŭ Minsku, jon raptoŭna adyhraŭ ŭsiu svaju kłasiku (što praŭda na adnym akordzie), a paśla čytaŭ ułasnyja vieršy.

Vierš Mamonava «Śmierć» hučaŭ pryblizna tak: «Zatoje nie daviadziecca bolej ničoha kuplać!»

JUU

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH