Znajści
Ałharytmičny łacinski varyjant
26.05.2024 / 18:253RusŁacBieł

«Nie(akademik)». Uražańni ź jubilejnaj vystavy mastaka, zacienienaha svaim baćkam

U Vilenskaj karcinnaj halerei prachodzić vystava da 200-hodździa naradžeńnia mastaka Balasłava Rusieckaha. Uražańniami pra jaje naviedvańnie dzielicca ŭ fejsbuku kiraŭnik Biełaruskaha instytuta publičnaj historyi Alaksiej Łastoŭski.

Kali mierkavać pa naźvie, to hałoŭnym matyvam tvorčaści Balasłava Rusieckaha kuratary ličać pieraadoleńnie akademičnych kanonaŭ, jakija jamu nasadzili u Pieciarburhskaj mastackaj akademii, i pierachod da bolš volnaj maniery na poźnim etapie.

Ale, jak pa mnie, samy hałoŭny kanflikt žyćcia Balasłava Rusieckaha — jak vyjści ź cieniu słavy svajho baćki, Kanuta Rusieckaha, jaki staŭ kłasikam, i tvory jakoha («Lićvinka ź viarboju» i «Žniaja») stali ikaničnymi dla litoŭskaha žyvapisu XIX stahodździa.

Z tvorčaści Balasłava my nijakich znakavych tvoraŭ nie viedajem, choć jaho imia i pastajanna zhadvałasia na vystavach minułych časoŭ u Vilenskaj karcinnaj halerei: naprykład, aŭtapartret, ź jakoha pačynajecca vystava, prysutničaŭ i na niadaŭniaj vystavie aŭtapartretaŭ.

I heta krychu kryŭdna, bo, zdavałasia, žyćcio dało jamu dobry start: jon naradziŭsia i pravioŭ dziacinstva ŭ Rymie, dzie byŭ na tvorčaj stypiendyi jahony baćka, ad jaho ž braŭ pieršyja ŭroki malavańnia, atrymaŭ mastackuju adukacyju ŭ Pieciarburhu, dzie jaho nastaŭnikami byli Brułoŭ i Bruni.

Ale namacać svaju ŭłasnuju ściežku Balasłaŭ Rusiecki tak i nie zmoh: zajmaŭsia relihijnym žyvapisam (pa vystavie składvajecca ŭražańnie, što jon byŭ vielmi relihijnym katolikam, u pryncypie, jak i jaho baćka), u tym liku stvaryŭ dva abrazy dla jezuickaha kaścioła ŭ Hrodnie (Śviatoha Kazimira i Naradžeńnia Chrysta) i pracavaŭ nad kaplicaj śviatoha Uładzisłava ŭ vilenskaj katedry, stvaryŭ sieryju partretaŭ (u tym liku bliskučy partret Alfreda Izidora Romera), pakinuŭ kolki piejzažaŭ…

Tatoryški. Piejzaž Balasłava Rusieckaha

U mianie adčuvańnie, što bolš značnaj dla vilenskaha žyćcia była jaho kalekcyjanierskaja i daśledčaja aktyŭnaść, jon zrabiŭ vielmi šmat dla vyvučeńnia spadčyny vilenskaj mastackaj škoły i asabliva Franciška Smuhleviča. Braŭ čynny ŭdzieł u aktyŭnaściach Vilenskaha tavarystva siabroŭ navuk, jakomu ŭrešcie pierapisaŭ u zaviaščańni svaju kalekcyju, dzie značnuju častku zajmali pracy jahonaha baćki (sic!).

Ale dziakujučy hetamu daru daśledčyki majuć zachavanym asabisty archiŭ mastaka, jaki možna ŭbačyć i na vystavie, dzie i vučnioŭskija pracy, i eskizy dla tvoraŭ, i natatniki, i niečakana šmat artefaktaŭ štodzionnaści — ad vizitovak da rachunkavych knih i aptečnych receptaŭ. Nie kožny mastak tak dobra zdoleŭ pieradać svaju spadčynu naščadkam.

Čytajcie taksama:

Pryhožaje pytańnie žychara Homiela pra Marka Šahała było pryznana najlepšym u maskoŭskaj hulni «Što? Dzie? Kali?»

«Łuč» pradstaviŭ kalekcyju hadzińnikaŭ z karcinami aŭstryjskaha mastaka

Habieleny biełaruskaha rekardsmiena knihi Hinesa pryznali pomnikami mastactva

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
0
Ха-ха
0
Ого
0
Сумна
0
Абуральна
2
1
Aktualna?/adkazać/
26.05.2024
Vy ciapier kožny fejsbuk dopis Łastoŭskaha budziecie drukavać, zhadvajučy jahony ujaŭny jinstytut' da miesca i nie da miesca? U čym aktualnaść hetaha dopisu tut? Heta ž nie žurnaliscki i nie navukovy artykuł, a natatka dla siabroŭ - biez pačatku i kanca. Chacia b niejkuju padvodku dali dla kantekstu. Chto taki Balasłaŭ Rusiecki, čamu jon važny dla biełaruskaj kultury, tym bolš siońnia? Inakš vielmi niajakasny kantent vychodzić.
0
Gorliwy Litwin/adkazać/
26.05.2024
Kanuta Rusieckaha, jaki staŭ kłasikam, i tvory jakoha («Lićvinka ź viarboju» i «Žniaja») stali ikaničnymi dla litoŭskaha žyvapisu XIX stahodździa.

- tak, dziakuj, i za natatku i asobna za bolš-mienš słušnuju terminałohiju. Varta ŭsialak padkreślivać što ŭsia Vilenščyna, i ŭ tym liku jaje poŭdzień, ciapier u miežach RB, i amal usia Haradzienščyna ličylisia (i faktyčna byli) Litvoj. Litva - heta "polskaja", łacinskaja cyvilizacyja, Biełaja Ruś - ruskaja, i simvaličny kantrast pamiž imi byŭ i zastajecca vielmi rezkim. 

https://nashaniva.com/343598
1
Gorliwy Litwin /adkazać/
26.05.2024
Aktualna?, hledziačy dla jakoj častki Biełarusi. Hieahrafičnaj i kanfiesijnaj. Dla katalickaj Vilenščyny dakładna tak. Dla astatniaj nie viedaju, ale dastatkova i taho što heta aktualna dla ładnaj častki. Prytym samaj zahłušanaj represijami Ruskaha Śvietu. Spadziajusia, patłumačyŭ
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930