Znajści
Ałharytmičny łacinski varyjant
26.05.2024 / 20:493ŁacBieł

Pamiž Jeŭropaj i Afrykaj źbirajucca pabudavać padvodny tunel

Ciapier viadziecca stratehičnaje płanavańnie takoha budaŭnictva. Miarkujecca, što tunel daŭžynioj bolš za 27 km projdzie ź ispanskaha horada Taryfa praz Hibrałtarski praliŭ u marakanski Tanžer.

Fota: findpenguins.com

Raspracoŭščyki spadziajucca pabudavać tunel za 6 hadoŭ da času, kali Ispanija, Partuhalija i Maroka sumiesna prymuć čempijanat śvietu pa futbole 2030 hoda, paviedamiła Euronews.

Pavodle acenak, košt budaŭnictva składzie bolš za 6 miljardaŭ jeŭra, choć aficyjnaja suma płanavanych vydatkaŭ pakul nieviadomaja. 

Tunel pavinien budzie zabiaśpiečyć ruch vysakachutkasnych ciahnikoŭ, jakija iduć z chutkaściu bolš za 320 km u hadzinu. Jon złučyć najaŭnyja čyhunačnyja linii Ispanii z marakanskim maršrutam Al-Barak, jaki adkryŭsia ŭ 2018 hodzie.

Takim čynam, na ciahniku možna budzie dabracca z Madryda ŭ marakanskuju Kasabłanku pad Hibrałtarskim pralivam. Poŭnaja takaja pajezdka ciahnikom, jak paviedamlajecca, zojmie ŭ padarožnikaŭ 5 hadzin 30 chvilin.

Pavodle papiarednich padlikaŭ ciahnikami praz Hibrałtarski tunel za hod skarystajucca bolš za 12,8 młn pasažyraŭ, akramia taho, abjom handlu pamiž dvuma kantynientami pavialičycca na 13 młn ton hruzaŭ.

Surjozny prajekt budaŭnictva tunela pad Hibrałtarskim pralivam upieršyniu byŭ prapanavany jašče ŭ 1979 hodzie, jon moh być padobnym na tunel pad Ła-Manšam pamiž Duŭram i Kale. Ale da realizacyi jaho sprava nie dachodziła.

Ciažkapieraadolnyja składanaści mohuć sustreć i ciapierašni prajekt. Inžyniery vyjavili niekalki łahistyčnych prablem. U samym hłybokim punkcie hłybinia praliva składaje 900 m, da taho ž dadatkovuju ryzyka ŭjaŭlaje saboj rehularnaja siejśmičnaja aktyŭnaść na hieałahičnym razłomie Azorskich astravoŭ i Hibrałtara.

Čytajcie taksama:

Žychar Kyrhyzstana prakapaŭ tunel sa svajho doma va Uźbiekistan

Tunel pad sinahohaj u Ńju-Jorku abudziŭ najhoršyja teoryi zmovy

Tut zdymali «Hulniu tronaŭ» i «Łoŭrensa Aravijskaha». Jak vyhladajuć budynki, adzinyja takija na śviecie, u Maroka paśla ziemlatrusu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
1
Ха-ха
1
Ого
4
Сумна
0
Абуральна
2
5
Jaśka/adkazać/
26.05.2024
A ci spytali ŭ žycharoŭ Jeŭropy ci chočuć jany jašče 11 miljonaŭ čornych “uciekačoŭ”?
4
Vińni puk /adkazać/
26.05.2024
Pravilno, čtoby mihrantom było lehčie dobiraťsia do ES. Humanno.  
2
Avochci/adkazać/
27.05.2024
U alternatyŭnaj rečaisnaści hety tunel moh by stać pačatkam novaj sproby cyvilizavańnia zaniapadłaha kantynientu. Ale ž, dla chvoraj na sacyjalizm Jeŭropy jon chutčej stanie katalizataram razbureńnia. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930