Znajści
Ałharytmičny łacinski varyjant
26.05.2024 / 15:5832RusŁacBieł

Chto takaja čalinia? Siabroŭka Čałaha?

Jość niejkija rečy, jakija ŭ peŭnych kołach pryniata ličyć pravilnymi i prahresiŭnymi. Tamu, pa-pieršaje, ludzi prymajuć ich na aŭtamacie i ŭžo nie zadumvajucca, a ci heta sapraŭdy patrebna, a pa-druhoje, navat kali i zadumvajucca, to bajacca vystupać suprać, kab nie prasłyć «ciemrašałami». Naprykład, masavaje i časam niedarečnaje raspaŭsiudžvańnie fieminityvaŭ, piša ŭ fejsbuku Vital Cyhankoŭ.

Kałaž: Palatno

Na maju dumku, heta daŭno ŭžo nie maje nijakaha dačynieńnia da žyvoha raźvićcia movy, a maje vyraznyja prykmiety ideałahičnaj ustanoŭki i prapahandysckaj kampanii.

Nam niaredka kažuć, što heta nieabchodna, kab pavialičyć bačnaść, prysutnaść žančyn u movie. I tut mnie mižvoli davodzicca pierajści ŭ farmat stendapa. To-bok vy sapraŭdy dumajecie, što da źjaŭleńnia fieminityvaŭ my nie viedali pra isnavańnie žančyn?) To-bok da taho, jak stali pašyracca fieminityvy, my nie viedali, što ŭ žyćci jość doktarki i prafiesarki? To-bok, tolki paśla taho, jak čalcoŭ vybarčych błokaŭ stanuć nazyvać čalinia — usie aŭtamatyčna ich zaŭvažać, ichni rejtynh vyraście?

Voś kali jość Kancler Anhieła Mierkiel, to my jaje nie bačym i niedaaceńvajem, a kali Kanclerka — to adrazu bačnaść, pavaha i zachapleńnie?

Niaŭžo vam nie prychodziła ŭ hałavu, što heta tupa? Voś pačniem my nazyvać Cichanoŭskuju «palitykiesa» — i hetym pavialičym jaje bačnaść i prysutnaść? Nu tupa ž.

Hramatyka nie ŭščamlaje žanočuju prysutnaść. «Doktar praviała apieracyju», «palityk zajaviła». Dzie ŭ hetych frazach kamuści nie zrazumieła, što razmova idzie pra žančynu? Jaki prahres nastupić, kali zamiest «palityk zajaviła» prymusiać pisać «palitykiesa zajaviła»? Adziny mahčymy vynik — heta razdražnieńnie i ironija, u lepšym vypadku.

Ja narmalna staŭlusia da mnohich novych fieminityvaŭ, jakija harmanična ŭlivajucca ŭ našu movu. Ale mianie razdražniaje, kali narmalny praces moŭnaj raznastajnaści i raźvićcia pieraŭtvarajucca ŭ naviaźlivuju palityčnuju kampaniju. Da žyvoj moŭnaj stychii heta ŭžo nie maje nijakaha dačynieńnia — heta ideałahičny kryžovy pachod, dzie zakony movy nie ŭličvajucca, a kožny fiłołah, jaki pratestuje suprać hvałtu nad movaj, abviaščajecca nieprahresiŭnym ciemrašałam.

Adnak prahres i «prahres» — heta takaja reč, jakaja nieviadoma jak pavierniecca. Chto viedaje, moža hadoŭ praz 30 hramadstva i sami žančyny buduć na heta hladzieć sa ździŭleńniem — «Niaŭžo ludzi łamali movu, prydumvali štučnyja słovy, kab padkreślić prysutnaść žančyn?» Moža, jany buduć hladzieć na heta jak my zaraz hladzim na balšavisckija moŭnyja vyčvareńni 1920 hadoŭ, usie hetyja Akciabryny i «Viliory» — («Vładimir Iljič Lenin i Oktiabŕskaja Rievolucija).

Čalinia — heta niejkaja sučasnaja Dazdrapierma («Da zdravstvujet Piervoje maja!»). Heta ž realnaje sučasnaje oruełaŭskaje navamoŭje. Takaja śpiecyjalnaja mova dla śpiecyjalnych ludziej, znak prynaležnaści da peŭnych kołaŭ (jak zaŭsiody, «strašna dalokich ad naroda»).

Prychodziać takija «kamisary ŭ pylnych šlemach» i sočać, ci zastałosia ŭ movie niešta žyvoje, nie zamienienaje na fieminityvy.

Chto takaja čalinia? Siabroŭka Čałaha?

Dajcie movie raźvivacca naturalna i harmanična, nie leźcie ŭ jaje sa svaimi idałahičnymi Dazdrapiermami!

Čytajcie taksama:

«Pa-miascovamu nie mahła, a pa-biełarusku «nie vypiendryvajsia». Dačka Vasila Siomuchi raskazała, jak ź dziacinstva kupałasia ŭ mory šmatmoŭnaści 

Jak žonka Łukašenki ŭ 1995-m hałasavała suprać ruskaj movy

Ci nie ŭzarvie moŭnaje pytańnie postłukašenkaŭskuju Biełaruś?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
38
Панылы сорам
10
Ха-ха
8
Ого
0
Сумна
1
Абуральна
8
0
CV/adkazać/
29.05.2024
Miedycynskaja siastra Vital Cyhankoŭ - adrazu bačnaść, pavaha i zachapleńnie
https://nashaniva.com/343594

0
Mch/adkazać/
02.06.2024
Pra "Biełaruś i Biełoruśsiju". Ruskija ličać ruskuju movu svajoj. Ale častka biełarusaŭ jakija prysmaktalisia da rasiejskaj miedyjnaj prastory taksama ličać rasiejskuju movu "nie čužoj", što jość pamyłkovaj vysnovaj. Z punktu hledžańnia rasiejcaŭ, biełarusy sprabujuć "navodzić paradak u čužym aharodzie", tamu i takaja reakcyja. A z ulikam taho, što Pucin apošnija 15 hadoŭ pačaŭ pravodzić vyrazna impierskuju palityku (Biełoruśsija, na Ukrainie, Pribałtika, Mołdavija, Kirhizija), postpriedstvo, postpried (zamiest posolstvo, posoł). (śledčych apranuŭ u formu, jakaja mocna nahadvaje formu milicyi stalinskich časoŭ), karaciej, biełarusy ŭmoŭna kažučy, stajać z kvietkami suprać katka. Bo pavaha čužych intaresaŭ u rasiejcaŭ zaraz zusim nie staić "na poviestkie dnia". Pry hetym biełarusy ŭparta nie chočuć rabicca i nacyjanalna-aryjentavanymi ŭ biełaruskim nakirunku ludźmi (rasiejskamoŭnyja pieśni, muzyka, naviny, "zarabotki v Moskvie"), u adroźnieńni, naprykład ad tych ža ukraincaŭ. U jakich prahres u nacyjanalna-kulturnym raźvićci prosta šokavy, niahledziačy navatna bajavyja dziejańni.
0
Mch/adkazać/
02.06.2024
Čamu da asoby žanočaha rodu nie prydumvać fiemienityvy? Z hetym zhodny. Ale utvarać fieminityvy absalutna da kožnaha słova ŭ movie heta troški niapravilna). Ciahnik naprykład, abo vakno nie moža być ni mužčynskaha ni žanočaha rodu. Ciahnik - heta składanaja miechaničnaja mašyna. Vakno - trochi mieniej składanaja kanstrukcyja. Nie treba bajacca novych słovaŭ, dla žyvoj movy heta całkam naturalny praces (słovy źjaŭlajucca, zapazyčvajucca, časam robiacca litaraturnaj normaj, abo słovam-vyklučeńniem, źnikajuć, sami pierachodziać u inšyja movy). Ale "čalinia" u kanteście naprykłaja "člen partyi", supołki, prosta vynik Maskvy ŭ hałavie. U anhlijskaj movie słova z takim značeńniem hučyć i pišacca jak "Member" (Member of party), u Niamieččynie naprykad Camerad (Tavaryš). U biełaruskaj movie ŭžo jość takoje słova "siabr", akramia značeńnia "druh", moža ŭžyvacca i dla paznačeńnia "členstva" u niejkaj struktury, naprykład partyi, supołki "siabra partyi", "siabra supołki". 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930