Znajści
Ałharytmičny łacinski varyjant
26.05.2024 / 17:348RusŁacBieł

«A kažuć, u Biełarusi ŭsio zahłuchła». Karotkija historyi biełaruskaj salidarnaści, jakaja nikudy nie dziełasia

Na fonie štodzionnych navin pra zatrymańni, prysudy, niebiaśpiečnyja rassyłki i vajnu zdajecca, što vakoł nie adbyvajecca ničoha dobraha. Ale heta nie tak. «Miedyjazona» spytała ŭ biełarusaŭ z roznych kutkoŭ krainy, jakija dobryja padziei zdarylisia ŭ ich žyćci za apošni čas — tam znajšłosia miesca i salidarnaści. Imiony hierojaŭ źmienienyja.

Ilustracyja: Mila Grabowski / Miedyjazona

Darja, Mahiloŭskaja vobłaść

Źbirajusia jechać u Polšču da siabroŭki, jakaja ŭžo paru hadoŭ jak u emihracyi vymušana. Zakuplajusia biełaruskimi prysmakami. U firmovaj kramie «Čyrvonaha charčavika» nakupiła ŭsiaho, jana paprasiła navinak. Uvohule davoli vialiki pakiet sabraŭsia. Dziaŭčaty na kasie pytajucca — a vam kudy stolki? Ja raskazvaju, što siabroŭcy ŭ emihracyi viazu prysmaki z radzimy. Pradavački stali raspytvać, što dy jak, Hruzija ci Polšča, i ŭ vyniku pieradali sami jašče pakiet niejkich novych marmieładak — prosta tak, z salidarnaści, ad siabie.

Śviatłana, Minsk

Zajšła zimoj u kramu ŭ handlovym centry, prymiaraju šapku. Mnie mała što padychodzić zvyčajna, ja šapki amal nie našu, a tut voś prosta jak na mianie jana. Vielmi zachaciełasia kupić. A ŭ mianie tolki kartka, najaŭnych amal nie našu. Palezła ŭ kašalok — rubla nie chapaje. U hety momant mnie telefanuje siastra. Nu ja joj i kažu — voś, šapku kłasnuju znajšła, ale kupić nie mahu, nie chapaje rubla. I ŭžo źbirajusia vychodzić z kramy, jak mianie pierajmaje niejkaja pakupnica i daje mnie rubiel: «Voś, vaźmicie, heta drobiaź, zrabicie sabie pryjemna». Ja joj, viadoma, dziakuju, a jana mnie adkazvaje: biełarusy adzin adnamu z 2020 hoda jašče i nie tak dapamahajuć. Mnie až na dušy lahčej stała.

Alena, Minsk

Mnie daviałosia źjazdžać z krainy. Kali biez padrabiaznaściaŭ, to byccam by nie hareła, ale pryjści mahli ŭ luby momant. Pryjšłosia ŭ ekstranym paradku pradavać i razdavać usio toje, što było našym u zdymnaj kvatery. A tam była i mebla, i chaładzilnik vysoki, i pralnaja mašyna — chapała roznaha barachła.

Adzin moj siabar pracuje ŭ kramie bytavoj techniki, u ich tam jość i mašyna, i hruzčyki. Damoviłasia ź im, što mnie dapamoža, a ja i jamu, i chłopcam-hruzčykam zapłaču. I voś jany mnie raźvieźli meblu pa siabrach, techniku baćkam, prystojna tak pajeździli pa horadzie. Ciažki chaładzilnik na piaty pavierch ciahnuli, stały niejkija. Ja ŭ kancy pajezdki pytajusia,što ja im pavinna. Jon adkazvaje — ja tabie potym skažu, nam paličyć treba. Nu, dumaju: ok, tam ža ŭ ich taryfy, u zaležnaści ad paviercha, na jaki rečy ŭzdymali i hetak dalej. Telefanuju jamu praź dzień, a jon kaža — my z chłopcami parailisia i vyrašyli, što z ulikam abstavinaŭ ničoha ty nam nie pavinna, heta biaspłatna ŭsio było. Ja, ščyra kažučy, navat raspłakałasia.

Siarhiej, Mahiloŭskaja vobłaść

Niečakanaja ŭ nas zdaryłasia chvala salidarnaści. U adnym z handlovych centraŭ znachodziŭsia paviljon-prytułak dla biazdomnych žyvioł. Jość u horadzie i vialikija prytułki, viadoma. A tut — maleńkaja filija, u joj kacianiatki sa ščaniukami čakali novych haspadaroŭ, a jašče i pyskami svaimi miłymi źbirali dapamohu ŭsim astatnim. I sam viedaju, što šmat kaho adtul zabirali ŭ novyja damy.

Ale niešta zdaryłasia, i prytułak u instahramie napisaŭ, što administracyja vyrašyła skasavać im arendu. Dyk što tut pačałosia! Nie toje, što prosta łajki i kamienty. Ludzi pajšli ŭ administracyju nahami dy i zvanić tudy pačali, stali prasić za toj prytułak. Administracyja ŭsio zrazumieła, damovu bolš skasoŭvać nie chočuć, paprasili bolš nie zvanić.

Alaksandr, Hrodzienskaja vobłaść

Mianie zimoj znoŭku zakryli na sutki. Pierad vybarami, viadoma, paŭsiul prychodziać da aktyvistaŭ. Ale hetym razam brali prystojna, tolki dva čałavieki, i ŭ mašynie jechaŭ siedziačy. Adrazu bačna — našyja mianty, nie zalotnyja.

Na sutkach zaraz, byvaje, adpraŭlajuć na pracu. Śmiećcie sartavać ci jašče što. Dyk raniej chacia b svajaki mahli na pracu pryjechać, pajeści pryvieźci, vopratku rabočuju. Ciapier takoje zabaranili. Ale tyja pracaŭniki, što tam byli, z nami svaimi abiedami dzialilisia, a byvała, što i niešta z chaty dla nas prynosili, choć i sami zarablajuć kapiejki. Voś tak.

Maksim, Mahiloŭ

Da taho zatrymańnia ŭ 2022 hodzie ja dapamahaŭ adnamu chłopčyku ź ciažkim zachvorvańniem sabrać hrošy na leki i reabilitacyju. Dziaciej z takim dyjahnazam vielmi mała ŭ Biełarusi, i paśla 2020 hoda tak vyjšła, što ŭvaha da takich dziaciej zhasła. Nie toje, što pra ich usie zabylisia, ale, napeŭna, im stała mienš dapamohi pastupać, tamu što ŭ krainie źjavilisia i palitviaźni, i paciarpiełyja.

Ja vielmi byŭ uklučany ŭ jaho historyju, choć heta było ciažka, tamu što tam praŭda niaprosta hetamu małomu, jon ciažka chvory. Kali ja vyjšaŭ, akazałasia, što patrebnaja suma sabranaja, dzicia z baćkami atrymała reabilitacyju ŭ inšaj krainie i ciapier jaho stan navat stabilizavaŭsia. Jon mnie navat malunak namalavaŭ u padziaku za ŭdzieł u jaho zborach. Pakul tolki — pa zrazumiełych pryčynach — nie možam sustrecca.

Iryna, Bresckaja vobłaść

Ja vyjšła z kałonii ŭ 2023 hodzie. Niadaŭna zvaniŭ muž adnoj palityčnaj, jakaja jašče siadzić. Byŭ na spatkańni. Žonka prasiła rasšukać mianie — pieražyvajuć jany ŭ kałonii za mianie, jak ja tam na voli… Raspaviała ja jamu pra profulik, milicyju. Im heta karysna budzie viedać, na budučyniu.

U hetaj žančyny niekalki rapartaŭ za apošni čas, ŠIZA. Chvareje, a za mianie pieražyvaje, jak ja na voli.

Kaciaryna, Minsk

U mianie było sumoŭje ŭ anłajn-hipiermarkiecie, dziaŭčyna-mieniedžarka havaryła pa-biełarusku. Nie padbirajučy słovy, vielmi tak čysta, dobra. Pryjemna było pačuć biełaruskuju movu ŭ Biełarusi. Zdajecca, ciapier jana čaściej hučyć za miažoj, a ŭ Biełarusi havaryć na joj — praktyčna pikiet.

Dźmitryj, Mahiloŭskaja vobłaść

Uładalniki adnoj ź miascovych kaviarniaŭ arhanizavali ŭ siabie vystavu tutejšych mastakoŭ. Voś užo treciaja ekspazicyja niadaŭna adkryłasia. Byŭ na adkryćci — kłas! Narodu šmat, žyvaja muzyka, razmovy, ludzi tančać. I heta biez hrama ałkaholu na stałach. A kažuć, u Biełarusi ŭsio zahłuchła.

Dla našaha miastečka, miž inšym, vialikaja padzieja. Možna biaspłatna pryjści, pahladzieć karciny i kavy vypić. Haspadynia kaviarni ŭžo ŭ miascovym žyvapisie raźbirajecca, moža raskazać usio pra karciny. Na adnoj karcinie nakštałt jak žadańnie zahadvajuć. Pytajusia — a jak, jaje ž nie patreš. A jana adkazvaje — a vy ź joj pahavarycie.

Valeryj, Bresckaja vobłaść

Usio zvyčajova i naturalna — mužnyja dobryja ludzi čyniać naležnaje. Kali ja byŭ u źniavoleńni, adzin moj siabar ciaham usiaho terminu kłapaciŭsia pra maju žonku, raz na tydzień zvaniŭ joj, a ŭ SIZA spraŭna nasiŭ mnie bieł-čyrvona-biełuju paściłu. Apošnija razy była ŭžo bieła-višniova-biełaja, bo vyrabnik źmianiŭ recept.

Jašče dva čałavieki, ź jakimi zredku tolki kamunikavali, na chimiju mnie sabrali dźvie vialikija torby: švedry, kašuli, boty, pracoŭnuju vopratku, niekalki paraŭ rukavicaŭ. Ludzi z roznych kołaŭ litaralna ŭvieś čas dapamahali: hrašyma, sadavinoj-harodninaj dy inšym.

Čytajcie taksama:

Srodki, sabranyja padčas marafonu salidarnaści «Nam nie ŭsio adno», całkam raźmierkavanyja

«Ja vyrašyła zastacca tut nazaŭsiody». Čamu biełaruska nie źbirajecca viartacca z Polščy na radzimu

Jak u Biełarusi karajuć za dapamohu paciarpiełym ad represij i jakaja łohika? Pasprabavali razabracca

«My možam zmahacca, možam vyjści i kryknuć: «Budźcie vy praklatyja!» A biełarusy — nie»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
51
Панылы сорам
0
Ха-ха
6
Ого
2
Сумна
4
Абуральна
11
0
offline user/adkazać/
26.05.2024
«OAO Smoleviči Brojler»

01/24/2019
Jeśli rabotať v ciechu... V piervyj dień osobo nie učat, nado diełať srazu kak połožieno. Po dohovoru rabota s 8:00 do 20:00 2/2. Rabota nie zakančivajetsia poka nie zakončitsia produkcija, produkcija možiet zakončitsia v 8, 9 ili pozžie. Inohda nužno byť na rabočiem miestie s 7 časov pośle sanitarnoho dnia. Pośle raboty u rabotnikov nietu vriemieni schodiť v duš, potomu čto jeśli nie uśpieješ na avtobus značit jedieš na električkie ili pieškom. Rabotnikov otvoziat s raboty do doma, no nie fakt čto połučitsia dojechať do doma potomu čto jeśli TIECHNOŁOH słučajno zabudiet napisať adries kuda nado jechať, tohda nie połučitsia dojechať do doma. Jeśli tak słučitsia čto na rabotie słučiłaś travma, tiechnołohi zastavlajut v dobrovolno-prinuditielno pisať objaśnitielnuju čto eto ty sam povriedił doma, jeśli soprotivlaťsia uhrožajut tiem čto uvolat s raboty. Jeśli v razdievałkie ostanietsia čto to ciennoje to eto ukradut, dažie rabočije sapohi vorujut. Tiechnołoham i načalnikam važno tolko čtoby rabotnik diełał kak možno bolšie. Uvolniaťsia słožno iz-za toho čto uhovarivajut čtoby nie uvoliłsia a pierieviełsia. Pośle uvidiennoho čto proischodit s produkcijej, kuplať produkciju etoho prodprijatija nie sovietuju.

https://antijob.net
0
Kurajed/adkazać/
27.05.2024
offline user, zvyčajny russki mir, čto vam niedaspadoby? A narmalnyja ludzi i biez taho brendaŭ z padobnymi nazvami starajucca paźbiahać. 
0
Kurajed/adkazać/
27.05.2024
Heta amal ŭsio dabračynnaść abo drobnaja łuchta dla suciašeńnia ruskamirnych infantyłaŭ. Salidarnaść była b kali siniepašpartnyja raptam uśviadomili siabie darosłymi jeŭrapiejcami, adkaznymi za svoj los, i razam štodzionna prynialisia b pašyrać biełaruskuju prastoru, rychtujučy hlebu dla Niezaležaści. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930