430 rabočych «Hranita» napisali zajavy na zvalnieńnie
Rabočyja nastrojenyja źjazdžać na pracu za miežy krainy, ale ich admaŭlajucca zvalniać bieź miesiačnaj adpracoŭki.
Pavodle słovaŭ staršyni «hranitaŭskaha» niezaležnaha prafsajuzu Aleha Stachajeviča, zajavy na zvalnieńnie padali 430 rabočych pradpryjemstva ŭ Mikaševičach (Bresckaja vobłaść), jakich nie zadavalniajuć zarobki ŭ 200–400 dalaraŭ. Rabočyja nastrojenyja źjazdžać na pracu za miežy krainy, ale ich admaŭlajucca zvalniać bieź miesiačnaj adpracoŭki.
Niahledziačy na toje, što ŭ niekatorych ŭžo jość damova ŭ Rasii na pracu, nasustrač svaim rabotnikam kiraŭnictva pradpryjemstva iści nie choča.U toj ža čas, jak kaža Stachajevič, kali pačynali stvarać niezaležny prafsajuz, im kazali: sychodźcie choć zaŭtra, na vaša miesca ź niekalki rajonaŭ žadajučych. Niekatoryja rabočyja iduć na prahuły, kab ich zvolnili navat pa artykule, paviedamlaje spring96.org
Pry kancy 2011 hoda niekalki socień rabotnikaŭ pradpryjemstva pa zdabyčy budaŭničaha kamieniu «Hranit» u Mikaševičach napisali zajavy, što vychodziać z aficyjnaha prafsajuza. Rabočyja abviaścili, što stvarajuć na pradpryjemstvie supołki Biełaruskaha niezaležnaha prafsajuza. Adrazu ž siabry niezaležnaha prafsajuzu adčuli cisk z boku administracyi.
Kiraŭnika niezaležnaha prafsajuza Aleha Stachajeviča zvolnili z «Hranita», pazbaviŭšy pierad hetym pravoŭ kiroŭcy. Jon pracavaŭ kiroŭcam «BiełAZa». Pry zvalnieńni kiraŭniku niezaležnaha prafsajuza nie prapanavali nijakaj inšaj pasady na «Hranicie», niahledziačy na toje, što jon maje admysłovuju adukacyju. Sproby abnavicca praz sud byli biespaśpiachovyja.
Paru dzion tamu byŭ zvolnieny jahony namieśnik Mikałaj Karyšaŭ.
Hladzi taksama: Chłopcy z hranitu: Repartaž ź Mikaševičaŭ žurnalistaŭ "NN"
