Znajści
Ałharytmičny łacinski varyjant
20.05.2024 / 18:155RusŁacBieł

Bolš za 30 tapielcaŭ ad pačatku hoda. Čamu ŭkrainskaja pamiežnaja raka Cisa zabiraje žyćci?

Pamiežnaja raka stała miescam hibieli dziasiatkaŭ ukraincaŭ. Čamu jana takaja niebiaśpiečnaja?

Raka Cisa. Fota: dpsu.gov.ua

Tolki za adzin dzień, jak paviedamlajuć ukrainskija pamiežniki, raka Cisa, jakaja padzialaje Ukrainu i Rumyniju, vyniesła cieły šaści čałaviek. A ŭsiaho z pačatku hoda raka zabrała žyćci 32 čałaviek.

U pieravažnaj bolšaści vypadkaŭ heta ŭkraincy, jakija imknucca nielehalna pakinuć krainu. Cisa ŭžo atrymała nazvu «raki śmierci».

Cisa — heta samaja vialikaja raka Zakarpaćcia, jakaja maje daŭžyniu amal tysiaču kiłamietraŭ (966 km). Šyrynia raki na ŭčastkach z susiednimi Rumynijaj i Vienhryjaj dasiahaje 80 mietraŭ, a hłybinia — 2,5 mietra.

Raka płytkaja tolki z boku Ukrainy. Z druhoha boku jana hłybokaja. Da taho ž raka stanovicca vielmi niebiaśpiečnaj, kali mianiajecca ŭzrovień vady. Tak, viasnoju jana papaŭniajecca tałymi vodami, jakija ŭ jaje traplajuć z hor.

Akramia taho, jak tłumačyć  śpikier Dziaržaŭnaj pahraničnaj słužby Ukrainy Andrej Dziemčanka, jak i ŭsie hornyja reki, Cisa niepradkazalnaja. U asobnych miescach jana vyznačajecca mocnym ciačeńniem. Na joj sustrakajucca varonki, jakija zaciahvajuć ludziej, ci namytyja ravy, u jakich moža znachodzicca rozny druz, naprykład, kareńni drevaŭ ci biarvieńni. Začapiŭšysia za ich, čałaviek moža i nie vykaraskacca.

Fota: zahidnuy.kordon / Facebook

Jak pišuć ukrainskija vydańni, u pamiežnych rajonach dziejničajuć sapraŭdnyja złačynnyja hrupoŭki. Na ich pracujuć miascovyja žychary, jakija dapamahajuć uchilistam znajści šlach da raki praź niekalki ŭzroŭniaŭ achovy. Jašče da vajny hetyja ściežki vykarystoŭvali kantrabandysty.

Jak śćviardžajecca, supravadžeńnie da miesca la raki kaštuje ad 3 tysiač dołaraŭ. Čałavieku davodziać, što raka niehłybokaja i ŭsio biaśpiečna.

Ukrainskija žurnalisty sa spasyłkaj na krynicy ŭ pravaachoŭnych orhanach pišuć, što ŭ mai, u suviazi z pryniaćciem novaha zakonu ab mabilizacyi, sproby niezakonna pierasiačy miažu robiacca ŭsio čaściejšymi. Adpaviedna vyrasła i kolkaść achviar. Z pačatku miesiaca na rachunku raki ich užo vosiem.

Čytajcie taksama:

MZS Ukrainy daručyła ŭsim konsulstvam prypynić akazańnie konsulskich pasłuh dla mužčyn 18—60 hadoŭ

Pad Viciebskam chłopiec chacieŭ papužać siabroŭ, prykinuŭšysia, što topicca. U vyniku patanuŭ sapraŭdy 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
7
Ха-ха
2
Ого
2
Сумна
34
Абуральна
3
14
Vład/adkazać/
20.05.2024
Ukrainskaja vłasť dieržit ludiej za kriepostnych! K słovu , s zavtrašnieho dnia Zielenskij takoj žie samozvaniec kak i Łuka!
3
Pravdorub 54/adkazać/
20.05.2024
Vład, sładkij Vładik, idi voźmi v ruki čto-niť tiažieleje stakana! V stranie vojna! Ty na zarpłatie ili diejstvitielno tup?
1
Zelenski narabiŭ spraŭ/adkazać/
21.05.2024
Biahuć ad armii, a vy jašče vierycie ŭ ich pieramohu...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera