Znajści
Ałharytmičny łacinski varyjant
20.05.2024 / 22:541ŁacBieł

Sioleta ŭ Biełarusi, zdajecca, stvaryli siamju čorny busieł i biełaja buślicha

Pra toje, što ŭ hetym hodzie ŭ Biełarusi, zdajecca, skłałasia źmiašanaja para čornaha i biełaha busłoŭ, vypadkova daviedaŭsia niaśvižski zaołah Siarhiej Šakała, piša telehram-kanał «Dzikaja pryroda pobač».

Fota: Siarhiej Šakała

Siarhiej naziraŭ biełaha busła na hniaździe, a čornaha — na susiednim słupu. Čorny busieł adlataŭ pacharčavacca na najbližejšaje pole siarod techniki i inšych ptušak. A kali viarnuŭsia, to pryvitaŭsia z ptuškaj na hniaździe sipłym hołasam, a samačka ŭ adkaz paklekatała dziubaj.

Siarhiej Šakała adznačaje, što na hety momant maje tolki zdahadki nakont taho, ci para heta. Ale čorny busieł trymajecca mienavita kala hetaha hniazda i, sa słoŭ miascovych, navat biŭsia ź biełymi busłami za hetuju buślichu.

Siarhiej Šakała

Čornyja i biełyja busły redka pierasiakajucca ŭ pryrodzie. Čorny busieł viadzie patajemny ład žyćcia ŭ lasach, a bieły busieł trymajecca bližej da ludziej. Źmiašanaje hniezdavańnie hetych vidaŭ — zusim redkaja źjava, jakaja zdarajecca zvyčajna ŭ zaaparkach, dzie niama vybaru partnioraŭ.

Adnak u minułym hodzie adbylisia dva vypadki hniezdavańnia źmiešanych par u Hiermanii i Čechii. Ciapier, mahčyma, čarha dajšła i da Biełarusi.

Čytajcie taksama:

Źjavilisia cikavyja padrabiaznaści siamiejnaha žyćcia biełaha i čornaha busłoŭ u Hiermanii. Ichnija dzieci — «šeryja»

U Jeŭropie biełyja busły hniaździacca razam z čornymi i navat utvarajuć adnapołyja pary

U Rasonskim rajonie busieł pakalečyŭsia, zabłytaŭšysia ŭ halinach dreva

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
2
Ого
4
Сумна
0
Абуральна
0
0
Vadzim /adkazać/
21.05.2024
Užo i ŭ Biełaruś dabralisia niebinarnyja busły ź Jaŭropy. Kudy hladzić hubazik? Mirsalimava? I heta, jak jaje tam, ačkastaja? Busłoŭ terminova ŭ RAUS i na raściažku
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera