Znajści
Ałharytmičny łacinski varyjant
20.05.2024 / 16:17RusŁacBieł

Novyja stancyi mietro mohuć da kanca hetaha hoda nie adkryć

Novyja stancyi staličnaha mietro abiacali adkryć u 2024-m, adnak potym terminy pieranieśli na kaniec hoda. Ciapier ekśpierty ličać, što i ŭ hety dedłajn budaŭniki nie ŭkładucca, piša Tochka.by.

Padčas budaŭnictva mietro. Fota ilustracyjnaje

Jak adznačyła ŭ svaim telehram-kanale niezaležny analityk rynku nieruchomaści Natalla Litoŭskaja, dabracca na mietro da ščylna zabudavanaha žyllovaha kompleksu «Minsk-Mir», praź jaki maje prajści treciaja linija mietrapalitena, nadalej budzie prablematyčna.

Reč u tym, što tendar na vykanańnie puskanaładačnych rabot na praciahu Zielenałužskaj linii mietrapalitena pryznany niesapraŭdnym. Heta moža pryvieści da pieranosu terminaŭ zdačy ŭ ekspłuatacyju niekalkich stancyj.

Pa płanach uładaŭ, treciaja linija mietro budzie naličvać 14 stancyj, a ahulnaja jaje praciahłaść składzie kala 16 km. Ciapier na hetaj vietcy funkcyjanujuć čatyry stancyi: «Kavalskaja słabada», «Vakzalnaja», «Płošča Franciška Bahuševiča», «Jubilejnaja płošča». Jašče try stancyi — «Aeradromnuju», «Niemaršanski sad» i «Słucki Haściniec», — dziasiatak hadoŭ tamu płanavali zdać u 2022 hodzie, a nie tak daŭno ŭłady abiacali zrabić heta ŭ 2024 hodzie, pieraniosšy termin zdačy z 2023-ha. Spačatku čarhovy ŭčastak pavinien byŭ być adkryty 4 lipienia, zatym pierarazańnie stužački pieranieśli na 7 listapada.

A ciapier i hetaja data pad pytańniem, bo tendar na praviadzieńnie puskanaładačnych rabot pryznany niesapraŭdnym. Na sajcie dziaržzakupak paznačana, što adkryty konkurs na praviadzieńnie rabot, jaki prajšoŭ u elektronnym vyhladzie, nie adbyŭsia. Pravodziŭsia jon dla vyznačeńnia padradnaj arhanizacyi, jakaja pavinna była vykonvać «puskanaładačnyja raboty pa abjekcie «pieršy ŭčastak treciaj linii Minskaha mietrapalitena ad stancyi «Karžanieŭskaha» da stancyi «Jubilejnaja» z elektradepo».

Zhodna z umovami konkursu, jaki pravodzicca dyrekcyjaj pa budaŭnictvie Minskaha mietrapalitena, raboty pavinny byli być zrobleny z 15 maja pa 31 kastryčnika 2024 hoda. Ich košt paličany da kapiejki — Br3 młn 146 tysiač 173,72 rubla, što paznačana ŭ dakumientach na praviadzieńnie konkursu.

Kali budzie praviedzieny jašče adzin tendar i kali buduć pačatyja raboty, termin praviadzieńnia jakich składaje 5,5 miesiaca, — pakul nieviadoma. 

Čytajcie taksama:

Jak vyhladaje stancyja mietro «Park Čaluskincaŭ» paśla ramontu FOTY

Kali pačnuć budavać novyja stancyi mietro — płany źmianilisia

13 hadoŭ tamu adbyŭsia kryvavy terakt u minskim mietro

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
2
Ха-ха
13
Ого
1
Сумна
2
Абуральна
6
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930