Znajści
Ałharytmičny łacinski varyjant
20.05.2024 / 19:5825RusŁacBieł

Maksim Šabucki prapanoŭvaje demaralizavać režym Łukašenki stvareńniem novaha siłavoha błoka — što kankretna prapanuje?

Frakcyja «Niezaležnyja biełarusy» na čale z błohieram Maksimam Šabuckim u svajoj pieradvybarčaj prahramie ŭ KR ahučyła žadańnie stvaryć adziny nacyjanalny vyzvalenčy ruch na bazie biełaruskaj dyjaspary i ŭzmacnić siłavy resurs za miažoj: «Uličvajučy hieahrafičnaje stanovišča Biełarusi, a taksama napružanaje hieapalityčnaje stanovišča ŭ rehijonie, my ličym metazhodnym rychtavać nacyjanalnyja hrupy chutkaha reahavańnia jak minimum u troch krainach — Polšča, Litva i Łatvija. A taksama inicyjavać stvareńnie dvuch biełaruskich padraździaleńniaŭ u Polščy».

U kułuarach vialikaj palityčnaj kanfierencyi demsiłaŭ žurnalist «Našaj Nivy» raspytaŭ Maksima Šabuckaha pra hetyja płany bolš padrabiazna.

Maksim Šabucki

Frakcyja «Niezaležnyja biełarusy» nastojvaje, što patencyjał biełaruskaj dyjaspary nie vykarystoŭvaŭsia napoŭnicu, i heta adna z pamyłak, jakuju jany chacieli b vypravić.

Pry svajoj prychilnaści da źmieny ŭłady niehvałtoŭnym šlacham u frakcyi ličać za nieabchodnaje mieć u arsienale instrumienty, jakija mahli b dadać demakratyčnym siłam upeŭnienaści, a režymu Łukašenki — demaralizacyi.

«Biełarus, jaki choča siłavoha scenaru — durań, a biełarus, jaki nie choča rychtavacca da siłavoha scenaru — varjat», — padkreślivaje Maksim Šabucki.

«U nas vielizarnaja kolkaść rabiat, jakija prajšli połk Kalinoŭskaha, jakija sami chočuć dalej treniravacca. Trajektoryju, pa jakoj budzie raźvivacca situacyja ŭ Biełarusi, nam nichto nie padkaža. Ale treba rychtavacca. Ideja stvareńnia nacyjanalnych hrup chutkaha reahavańnia ź liku biełarusaŭ, jakija majuć bajavy dośvied, a taksama z tych, chto žadaje jaho atrymać — heta nie majo bačańnie, a žadańnie samich ludziej», — kaža Šabucki.

Akramia hetaha, frakcyja ahučyła žadańnie inicyjavać stvareńnie dvuch biełaruskich padraździaleńniaŭ u składzie [siłavych struktur] Polščy: u suchaputnych vojskach i pamiežnaj słužbie. Jak jany źbirajucca heta pravaročvać?

«Ja razmaŭlaŭ z polskim pałkoŭnikam suchaputnych vojskaŭ u adstaŭcy. Jon skazaŭ, što tearetyčna heta mahčyma. Kali buduć ludzi z bajavym dośviedam, hatovyja, to na ŭzroŭni zakanadaŭstva hetuju inicyjatyvu možna prašturchnuć. Adzinaje, patrebny subjekt, jaki budzie prapichvać jaje: aficyjny pradstaŭnik biełaruskaj apazicyi. I tut jakraz Kaardynacyjnaja rada moža stać hetaj płatformaj. Znoŭ ža: heta maje sens dla našych ludziej z bajavym dośviedam, dla ich lehalizacyi: navošta im iści pracavać u kramy — «Žabku» ci «Biedronku». Atrymańnie dośviedu ŭ polskaj armii kudy bolš karysna», — kaža Šabucki.

Pry hetym Šabucki nie ličyć, što hetyja ludzi ci niechta z pałka Kalinoŭskaha pavinny vyzvalić Biełaruś.

«Heta biełaruskaja nacyjanalnaja fiłasofija niejkaja — siadzieć na piečcy, ničoha nie rabić i žyć u nadziei. My hetak ža abrali Łukašenku ŭ 1994-m: pryjšoŭ čałaviek, jaki skazaŭ, što vyrašyć našy prablemy ŭ ciažkaj situacyi — tak my jaho i vybrali. A tut my spadziajemsia na Połk Kalinoŭskaha ci jašče kaho.

Nikoli nijaki połk nie vyzvalić krainu. Bieź biełarusaŭ unutry Biełarusi takoje niemahčyma navat u teoryi, i razvažać pra heta nierazumna. Tolki razam, tolki abjadnańnie, tolki adziny nacyjanalna-vyzvalenčy ruch, jak by pafasna heta ni hučała. U adzinočku ja ŭžo sprabavaŭ rabić revalucyju z padvała, jano tak nie pracuje».

Kali vybary ŭ KR projduć biez dastatkovaj uvahi biełarusaŭ ź Biełarusi, Maksim Šabucki budzie vinić u hetym tolki samich palitykaŭ.

«Spačatku my tut, za miažoj, pavinny stvaryć płatformu, jakoj možna hanarycca, a potym źjavicca cikaŭnaść usich biełarusaŭ. Unutry krainy ŭ ich tam prablem svaich chapaje. Tak što ź siabie patrebna pačynać: pierš čym navodzić paradak u krainie, treba prybracca ŭ kvatery. Bo, ščyra kažučy toje, što ŭ nas siońnia ŭ demakratyčnych siłach — heta sumna: skandał za skandałam… Davajcie stvorym chacia b adzin orhan, jaki budzie funkcyjanavać efiektyŭna. I potym užo astatnija kroki.

Čytajcie taksama:

Apublikavali śpisy kandydataŭ u novy skład Kaardynacyjnaj rady

Kolki ludziej pavinna prahałasavać na vybarach u KR, kab jany adbylisia?

Čamu Łatuška abjadnaŭsia z Kurejčykam, a Prakopjeŭ ź Jahoravym? Zakuliśsie Kaardynacyjnaj rady

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
54
Панылы сорам
11
Ха-ха
8
Ого
4
Сумна
3
Абуральна
10
0
Nie daviaraju Šabuckamu/adkazać/
21.05.2024
Pytańniem stvareńnia biełaruskich padraździaleńniaŭ za miažoj užo daŭno zajmajecca połk Kalinoŭskaha. Šabucki lezie pieraškadžać, stavić pałki ŭ koły pałku? Adciahvać siły ad PKK?
0
Tupy/adkazać/
21.05.2024
Što aznačaje «demaralizavać”?
0
Chmm/adkazać/
21.05.2024
Bahracijon , Maksim Šabucki pastajanna i tonka lje brud na PKK.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930