Znajści
Ałharytmičny łacinski varyjant
20.05.2024 / 22:387RusŁacBieł

Pierabiežčyku z Ukrainy, jaki pieradaŭ z Homiela «pasłańnie Zialenskamu», na radzimie zavočna dali 10 hadoŭ

Dziaśnianski rajonny sud horada Čarnihava 8 traŭnia vynies prysud u dačynieńni da žychara vioski Dabranka Čarnihaŭskaj vobłaści, jaki ŭ kastryčniku 2023 hoda ŭpotaj pierasiok biełaruska-ŭkrainskuju miažu, a paśla źniaŭsia ŭ prapahandysckim repartažy na kanale «Biełaruś 4 Homiel», piša «Fłahštok».

Homielskija prapahandysty, jakija źniali siužet pad nazvaj «Pasłańnie Zialenskamu», pradstavili ŭkrainskaha pierabiežčyka jak Mikałaja, ale praviedzieny «Fłahštokam» analiz sacyjalnych sietak, dazvoliŭ vyznačyć, što sapraŭdnaje imia mužčyny — Siarhiej Maślukoŭ.

Fota Siarhieja Maślukova sa staronki ŭ «Adnakłaśnikach»

«Fłahštok» vyvučyŭ aryhinalnaje rašeńnie suda.

Niepasrednaj padstavaj dla zaviadzieńnia kryminalnaj spravy pasłužyła fraza Maślukova «Mojo mnienije, šob skorieje Rośsija podvinuła tuda połnosťju vsiu Ukrainu, šob vsie, eto samoje, i Kijev zabrali, eto samoje, nu možno tot Lvov im ostaviť da i vsie!»

Paśla hetaha intervju mužčynu abvinavacili ŭ złačynstvie suprać asnoŭ nacyjanalnaj biaśpieki Ukrainy i abviaścili ŭ mižnarodny vyšuk.

Z sudovaha prysudu stała viadoma, što Siarhiej Maślukoŭ u pačatku kastryčnika niezakonna pierasiek miažu i ŭ pieryjad z 10 kastryčnika pa 8 studzienia ŭtrymlivaŭsia ŭ Homielskim SIZA № 3. Paśla hetaha jaho miescaznachodžańnie dakładna nie ŭstanoŭlena.

Frahmient sudovaha rašeńnia na servisie «Adziny dziaržaŭny rejestr sudovych rašeńniaŭ Ukrainy»

Na sudzie byli zasłuchanyja śviedki pa spravie. U pryvatnaści, žonka mužčyny paviedamiła, što ŭ šlubie jany pražyli 12 hadoŭ i raźvialisia ŭ 2017-m. Paśla razvodu były muž žyŭ u domie maci, jakaja pamierła ŭ 2020 hodzie. Z byłoj žonkaj i dziećmi Siarhiej Maślukoŭ amal nie mieŭ znosin.

Pavodle słoŭ žančyny, na praciahu sumiesnaha pražyvańnia ŭ šlubie muž nieadnarazova vykazvaŭ niezadavolenaść uładaj va Ukrainie, kazaŭ, što va Ukrainie niama pracy, choć sam byŭ lanivym. Paśla taho, jak muž źnik, jana była ŭ jahonym domie, dzie znajšła jaho pašpart i paśviedčańnie ab naradžeńni.

U vyniku sud pryznaŭ Siarhieja Maślukova vinavatym i pryznačyŭ zavočnaje pakarańnie ŭ vyhladzie 10 hadoŭ pazbaŭleńnia voli. Pačatkam terminu adbyćcia pakarańnia budzie ličycca dzień jaho faktyčnaha zatrymańnia. Pakul ža ŭciakač znachodzicca ŭ mižnarodnym vyšuku.

Prysud u zakonnuju siłu pakul nie ŭstupiŭ i moža być abskardžany na praciahu miesiaca.

Čytajcie taksama:

Źbiehłamu ŭ Biełaruś sudździ Šmitu ŭ Polščy pahražaje pažyćciovaje

Kapitan Bundeśviera dobraachvotna špijoniŭ na Rasiju, «kab zahadzia atrymać ad jaje papiaredžańnie ab naniasieńni jadziernaha ŭdaru»

Žonka byłoha vajskoŭca, asudžanaha ŭ Polščy za špijanaž, źviartałasia ŭ KDB pa «sadziejańnie i abaronu»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
25
Панылы сорам
0
Ха-ха
0
Ого
3
Сумна
1
Абуральна
4
11
Vład/adkazać/
21.05.2024
Zielenskij s siehodniašnieho dnia takoj žie nielehitimnyj kak i Łuka!
0
Lejcar korkavy/adkazać/
21.05.2024
Žyło ŭsio svajo žyćcio takoje ha.no ŭ krainie, a potym palezła ź jaho navierch, jak pa tych trubach. Chaj by zabrali ŭsio, nu mo Ilvoŭ pakinuć. Kolki vaty ŭ hłuzdach.
0
Botam/adkazać/
21.05.2024
Jan, Vład, Jan, Pa 15 rubleŭ rasijskich vy zarabili boty 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera