Basovišča-2010 projdzie biez NRM, «Kramy» i «Nejra Dziubiela»
Zatoje z «Troicaj» i, mahčyma, «Lapisami».
Na festyvali «Basovišča» sioleta ŭpieršyniu za šmat hadoŭ nia budzie takich tradycyjnych dla jaho chedłajneraŭ, jak NRM, «Krama» i «Nejra Dziubiel». Staršynia BAS Kasia Kuźmič raspaviała Generation.by pra farmavańnie prahramy
«U Biełarusi źjavilisia novyja hurty, novyja žanry, konkurs taksama ŭžo inakš vyhladaje. Chočam raznastaić «Basovišča» novaj aktualnaj biełaruskaj muzykaj. Festyval patrabuje źmienaŭ. Zrešty, kali nie atrymajecca, tady nie prablema ŭ nastupnym hodzie zrabić u raniejšym farmacie. Imkniemsia zrabić «Basovišča» sapraŭdnym kulturnym festam. Kancepcyja nie źmianiajecca — fest adlustroŭvaje sučasnuju biełaruskuju muzyku», — adznačaje staršynia BAS.
Nahadajem, što sioleta «Basovišča» projdzie 16–18 lipienia.