U pałacy Pucina ŭ Hielendžyku zamiest kazino i pakoja dla stryptyzu źjaviłasia damavaja carkva z tronam
U pałacy ŭ Hielendžyku, jaki źviazvajuć z Uładzimiram Pucinym, prajšła rekanstrukcyja. Novyja interjery pakazali Fond baraćby z karupcyjaj i vydańnie «Projekt».
Vizualizacyja: «Projekt»
Źniać unutranaje ŭbrańnie pałaca, jak śćviardžajecca ŭ rasśledavańni, udałosia adnamu z budaŭnikoŭ na svaje strach i ryzyku. Rekanstrukcyja zaviaršyłasia da viasny 2023 hoda. Rabočyja sprabavali likvidavać defiekty, zakładzienyja pry budaŭnictvie, i pradumać hidraizalacyju. Zaadno byli źmienienyja i interjery.
Tak, u pałacy źjaviłasia šmat karcin na vajennuju tematyku, u tym liku praca Siarhieja Prysiekina «Chto ź miačom da nas pryjdzie, ad miača i zahinie!» z Alaksandram Nieŭskim.
Źnikli pakoi z kazino, šastom dla stryptyzu i cacačnaj čyhunkaj. Zamiest ich u pałacy źjaviłasia damavaja carkva z trypcicham. U jaho ŭvachodzić abraz Śviatoha Uładzimira — heta, na dumku ekśpiertaŭ, niepasredna śviedčyć pra toje, što ŭładalnika pałaca zavuć Uładzimir. U damavoj carkvie taksama pastavili draŭlany tron. Novyja interjery, na dumku aŭtaraŭ rasśledavańnia, pakazvajuć, jak źmianiŭsia Pucin za apošnija hady.
Vizualizacyja: «Projekt»
«Projekt» vyvučyŭ płan budynka i videazapis, jaki zrabiŭ rabočy, i pryjšoŭ da vysnovy, što pałac nie moža być hatelem, pra što havorać aficyjnyja asoby. Pa mnohich prykmietach, u tym liku najaŭnaści cełaha pakoja dla śpiecsuviazi, hety budynak pabudavany dla pieršaj asoby dziaržavy.
Čytajcie taksama:
Pucin pierastaŭ pakidać Kreml i svaje rezidencyi paśla vybaraŭ
Inaŭhuracyja Pucina projdzie 7 maja. Adbudziecca i PŁR-testavańnie
