U Biełarusi, zdajecca, zabaranili harbaty «Pryncesa Kandzi» i «Pryncesa Nury», «Tess» i kavu «Žakiej»
Kampanii «Arymi», viadomaj svaimi papularnymi harbatami i kavaj, zabaranili ŭvozić, pradavać i navat zachoŭvać svaju pradukcyju ŭ Biełarusi.
Fota: tea-terra.ru
Jak havorycca ŭ dakumiencie, heta źviazana ź ćvillu, vyjaŭlenaj u pakiecikach harbaty, jakaja pastaŭlajecca ŭ našu krainu, piša Onliner.
U liście pastaŭščykam i handli zahadana vyklučyć z prodažu pradukcyju «Arymi» i zabiaśpiečyć jaje viartańnie vytvorcu abo ŭtylizacyju na praciahu 15 dzion z momantu zabarony (pastanova padpisana 1 krasavika).
Padstavaj dla zabarony stała ćvil, jakuju vyjavili va ŭzorach čornaj harbaty «Pryncesa Kandzi» i «Hita».
«Arymi» viadomaja pradukcyjaj na luby hust i kašalok. Akramia biudžetnych harbataŭ, takich jak «Pryncesa Nury», «Pryncesa Java», «Pryncesa Kandzi» i inšych, jana vypuskaje i bolš darahija. Naprykład, harbatu Greenfield i Tess, a taksama papularnuju kavu «Žakiej».
U lutym zabaranili prodaž harbaty ŭ pakiecikach «Pryncesa Hita».
Čytajcie taksama:
U Bresckaj vobłaści źniali zabaronu na vyvaz tavaraŭ u Polšču
U Biełarusi zabaranili pradavać papularnyja pralnyja kapsuły i parašok
Papularnaja minskaja kaviarnia zabaraniła naviednikam prychodzić z noŭtbukami
