Adnakurśnicu Pucina adnahałosna rekamiendavali na pasadu staršyni Viarchoŭnaha suda RF. Jana adziny kandydat
Abmierkavańnie kandydatury Iryny Padnosavaj na kalehii zaniało 10 chvilin.
Iryna Padnosava. Fota: Novaja hazieta
Vyšejšaja kvalifikacyjnaja kalehija sudździaŭ vyłučyła adzinuju kandydaturu na pasadu staršyni Viarchoŭnaha suda RF — heta Iryna Padnosava, vypusknica Leninhradskaha dziaržaŭnaha ŭniviersiteta (u toj ža pieryjad studentam VNU byŭ Uładzimir Pucin), piša «Novaja hazieta».
Jaje apošniaja pasada — staršynia Sudovaj kalehii pa ekanamičnych sprečkach Viarchoŭnaha suda (z 2020 hoda).
«Na jaje zamykajecca ŭsia sistema arbitražnaha pravasudździa», — raspaviadaŭ sudovy ahladalnik «Novaj» Leanid Nikicinski.
Da taho Padnosava była staršynioj Druhoha apielacyjnaha suda ahulnaj jurysdykcyi, a jašče raniej — staršynioj Leninhradskaha abłasnoha suda.
Abmierkavańnie kandydatury Iryny Padnosavaj na kalehii zaniało 10 chvilin.
Kandydaturu Padnosavaj sudździ vyłučyli adnahałosna. Ciapier Pucin pavinien unieści jaje kandydaturu na razhlad Savieta Fiederacyi.
Pasada kiraŭnika Viarchoŭnaha suda stała vakantnaj paśla śmierci Viačasłava Lebiedzieva, jaki zajmaŭ hetuju pasadu 35 hadoŭ.
Čytajcie taksama:
Ci rychtuje Pucin «padarunak» da jubileju Puhačovaj
Pucin pra vajnu va Ukrainie: Rasija abaraniaje ludziej na svaich terytoryjach