Аднакурсніцу Пуціна аднагалосна рэкамендавалі на пасаду старшыні Вярхоўнага суда РФ. Яна адзіны кандыдат
Абмеркаванне кандыдатуры Ірыны Падносавай на калегіі заняло 10 хвілін.
Ірына Падносава. Фота: Новая газета
Вышэйшая кваліфікацыйная калегія суддзяў вылучыла адзіную кандыдатуру на пасаду старшыні Вярхоўнага суда РФ — гэта Ірына Падносава, выпускніца Ленінградскага дзяржаўнага ўніверсітэта (у той жа перыяд студэнтам ВНУ быў Уладзімір Пуцін), піша «Новая газета».
Яе апошняя пасада — старшыня Судовай калегіі па эканамічных спрэчках Вярхоўнага суда (з 2020 года).
«На яе замыкаецца ўся сістэма арбітражнага правасуддзя», — распавядаў судовы аглядальнік «Новай» Леанід Нікіцінскі.
Да таго Падносава была старшынёй Другога апеляцыйнага суда агульнай юрысдыкцыі, а яшчэ раней — старшынёй Ленінградскага абласнога суда.
Абмеркаванне кандыдатуры Ірыны Падносавай на калегіі заняло 10 хвілін.
Кандыдатуру Падносавай суддзі вылучылі аднагалосна. Цяпер Пуцін павінен унесці яе кандыдатуру на разгляд Савета Федэрацыі.
Пасада кіраўніка Вярхоўнага суда стала вакантнай пасля смерці Вячаслава Лебедзева, які займаў гэтую пасаду 35 гадоў.
Чытайце таксама:
Ці рыхтуе Пуцін «падарунак» да юбілею Пугачовай
Пуцін пра вайну ва Украіне: Расія абараняе людзей на сваіх тэрыторыях