U Krasnadarskim krai paśla ataki bieśpiłotnikaŭ hareŭ NPZ
Ataka bieśpiłotnikaŭ adbyłasia kala 3-j hadziny nočy.
Skrynšot videa
U Krasnadarskim krai RF zahareŭsia Afipski naftapierapracoŭčy zavod, imaviernaja pryčyna ŭźniknieńnia pažaru — traplańnie bieśpiłotnikaŭ, paviedamiŭ u telehramie hubiernatar Vienijamin Kandraćjeŭ.
«U Sievierskim rajonie pažar na terytoryi Afipskaha NPZ. Haryć adna z ustanovak pa pierahoncy mazutu. Papiaredniaja pryčyna — prylot BPŁA. Na miescy pracujuć pažarnyja raźliki pradpryjemstva, MNS i ekstrannyja słužby, kab maksimalna chutka likvidavać ahoń. Užo ŭdałosia łakalizavać uzharańnie na płoščy 100 kvadratnych mietraŭ. Paciarpiełych niama. Situacyju trymaju na asabistym kantroli», — napisaŭ jon nočču.
«Baza» apublikavała videa, na jakim, mahčyma, zafiksavany prylot bieśpiłotnika.
Kala 4:40 Kandraćjeŭ paviedamiŭ, što pažar na NPZ całkam likvidavany.
Čytajcie taksama:
Bieśpiłotniki sprabavali atakavać Maskvu, źbili kala dziasiatka
Vajna pryjšła na Rubloŭku. U epicentry ataki dronaŭ apynulisia majontki pucinskaj elity
