Ad makarony da arechaŭ: u internet-kramie «Biełpošty» źjavilisia pradukty
Nacyjanalny paštovy apieratar pašyryŭ vitrynu svajoj internet-kramy prapanovaj praduktaŭ charčavańnia, jakija možna zamović z dastaŭkaj dadomu, u ofis i paštovaje adździaleńnie, paviedamlaje Officelife.media.
Tak vyhladaje internet-krama «Biełpošty».
Pakul samy zapoŭnieny raździeł — heta bakaleja, dzie možna znajści 150 najmieńniaŭ praduktaŭ. Tut jość kansiervy, raślinnyja alei, muka, śpiecyi, krupy, makarona.
U katehoryjach «kava» i «čaj» asartymient sfarmiravany brendami, jakija raźvivajuć kampanii JEAES.
Prapanova prysmakaŭ i kandytarskich vyrabaŭ adlustroŭvaje asartymient ajčynnych vytvorcaŭ ad «Kamunarki» da «Słodyča». U raździele «arechi-suchafrukty» pakul možna zamović tolki siemki. Vadu možna nabyć jak pitnuju, tak i minieralnuju.
Umova biaspłatnaj dastaŭki da dźviarej raspaŭsiudžvajecca na zamovy, daražejšyja za 50 rubloŭ. Dla minčukoŭ biaspłatnaja dastaŭka startuje ad 40 rubloŭ. Da paštovaha adździaleńnia dastaŭka pa ŭsioj Biełarusi biaspłatnaja.
Raniej paviedamlałasia, što «Biełpošta», akramia internet-kramy, maje namier stvaryć i pieršy biełaruski markietpłejs.
Čytajcie taksama:
«Biełpošta» stvoryć ułasny markietpłejs
Z hetaj krainy niečakana niemahčyma adpravić listy ŭ Biełaruś
zatoje raśpiečatać A4 ciapier na pošcie nizia...(
a etim počtovičkam jeŝie płati