Litva ŭzmocnić kantrol za dziŭnym tranzitam praź Biełaruś i Rasiju
Litoŭskaja mytnia ŭzmocnić kantrol za ekspartam i tranzitam tavaraŭ, jakija iduć u trecija krainy praź Biełaruś i Rasiju. Litva zaznačaje, što niekatoryja maršruty vyhladajuć niełahična. Mytniki padazrajuć, što takim čynam pieravozčyki abychodziać zachodnija sankcyi, paviedamlaje Delfi.
Litoŭskija mytniki fiksujuć usio bolš sprobaŭ transparciroŭki tavaraŭ pa dziŭnych maršrutach. Naprykład, sa Słavakii ci Čechii ŭ Turcyju praź Litvu, Biełaruś ci Rasiju, chacia jość i bolš karotki šlach. Abo z Hiermanii ci Estonii ŭ Vialikabrytaniju ci Paŭdniovuju Kareju, Tajłand i AAE praź Litvu i Biełaruś.
Mytnia Litvy padazraje, što takija hruzy pryznačajucca dla Rasii, a dziŭnyja maršruty źjaŭlajucca sprobaj abyści sankcyi. Litoŭski bok papiaredžvaje, što nie budzie prapuskać hruzy, kali jany iduć pa niełahičnych abo ekanamična niavyhadnych maršrutach, i budzie rekamiendavać pieravozčykam vybrać inšy maršrut.
Čytajcie taksama:
Litva abmiažuje ŭjezd praz dva punkty propusku na miažy ź Biełaruśsiu
Valer Bułhakaŭ: Najbolš blizkija biełarusam — ukraincy, a nie litoŭcy
