U Druskienikach u biełarusaŭ skrali novy BMW. Pahonia praciahvałasia sotni kiłamietraŭ
Pozna ŭviečary ŭ paniadziełak na nohi była padniataja palicyja ŭsioj Litvy, piša Delfi. U Druskienikach u hramadzian Biełarusi skrali BMW 2020 hoda vypusku.
Fota: Erika Venckutė / DELFI
Kala vaśmi viečara ŭ palicyju źviarnuŭsia mužčyna i paviedamiŭ, što jaho abrabavali kala aŭtavakzała ŭ Druskienikach: skrali bieły BMW, 2020 h. v.
Nieŭzabavie aŭtamabil BMW ź biełaruskimi numarami byŭ zaŭvažany palicyjaj, ale jon nie padparadkavaŭsia patrabavańniu spynicca i na vialikaj chutkaści źjechaŭ.
Pra mašynu paviedamili palicyjantam usich pavietaŭ Litvy, zadziejničali navat pamiežnikaŭ, piša Delfi. Staličnyja aficery stajali na ŭsich padjezdach da Vilni. Kala 21-j hadziny na skryžavańni ŭ Trokach byŭ zaŭvažany skradzieny BMW.
Kali hareŭ čyrvony sihnał śviatłafora, kiroŭca nie paśpieŭ zreahavać, jaho zabłakavali 4 ekipažy palicyi. 30-hadovy mužčyna supraciŭleńnia pry zatrymańni nie akazvaŭ. Jon byŭ ćviarozy.
