Navukoŭcy Šviecyi pravieryli roznyja jeŭrapiejskija schiemy COVID-vakcynacyi: jakaja kambinacyja samaja efiektyŭnaja
Na žal, tut nie ŭličanyja dastupnyja dla Biełarusi «Sputnik» i kitajski Sinopharm.
Navukoŭcy ŭ Šviecyi praviali daśledavańnie ab efiektyŭnaści kambinavańnia dozy AstraZeneca z dozaj mRNK-vakcyn (Moderna abo Pfizer). I heta bolš efiektyŭna, čym vakcynacyja z vykarystańniem dvuch doz AstraZeneca, piša RBK-Ukraina.
Siarod vakcynavanych dźviuma dozami ŭ hetaj krainie da 5 lipienia 2021 hoda (amal 3,5 młn čałaviek) byli nabranyja dla daśledavańnia hrupy z:
94 569 čałaviek, pryščeplenych pa schiemie AstraZeneca — Pfizer (efiektyŭnaść vakcynacyi skłała 67%),
16 402 — AstraZeneca — Moderna (efiektyŭnaść vakcynacyi skłała 79%),
430 100 — AstraZeneca — AstraZeneca (efiektyŭnaść vakcynacyi skłała 50%).
Pry abjadnańni i analizie dvuch źmiešanych schiem była vyviedziena sumarnaja efiektyŭnaść 68%. Heta značna vyšej za 50% hamałahičnaj schiemy tolki z AstraZeneca.
«Vyniki pakazvajuć, što vykarystańnie schiemy AstraZeneca-mRNK — efiektyŭnaja alternatyva dla pavyšeńnia kalektyŭnaha imunitetu suprać COVID-19, u tym liku suprać delta-štama, jaki daminavaŭ u paćvierdžanych vypadkach na praciahu pieryjadu daśledavańnia», — pišuć aŭtary daśledavańnia.
