Znajści
Ałharytmičny łacinski varyjant
22.05.2024 / 15:294RusŁacBieł

U KNDR zaćvierdzili paradak demanstracyi partretaŭ troch Kimaŭ

Žychary Paŭnočnaj Karei pačali ŭpryhožvać ścieny partretami ciapierašniaha lidara KNDR Kim Čen Yna razam z vyjavami jaho papiarednikaŭ: zasnavalnika respubliki Kim Ir Siena i jaho pierajemnika, baćki siońniašniaha staršyni Dziaržsavieta Kim Čen Ira.

Korean Central News Agency/Korea News Service via AP

Paŭdniovakarejskaje ahienctva Renchap źviarnuła ŭvahu, što demanstracyja troch raźmieščanych pobač partretaŭ u dziaržaŭnych ŚMI KNDR adbyłasia ŭpieršyniu. Pavodle jaho infarmacyi, heta adbyvajecca ŭ ramkach paśladoŭnaha ŭzmacnieńnia kultu asoby ciapierašniaha lidara.

«Heta vielmi važna, pakolki vyjava partreta Kim Čen Yna pobač z partretami jaho papiarednikaŭ aznačaje jaho roŭnaje stanovišča z byłymi lidarami», — rastłumačyŭ staršy navukovy supracoŭnik Karejskaha instytuta Nacyjanalnaha abjadnańnia Chonh Min.

Jon udakładniŭ, što takaja demanstracyja moža stać šyroka raspaŭsiudžanaj u inšych miescach.

Try partrety byli pakazanyja ŭ kłasie ŭ Centralnaj škole dla padrychtoŭki kadraŭ Pracoŭnaj partyi Karei, Kim Čen Yn uziaŭ udzieł u cyrymonii zaviaršeńnia budaŭnictva budynka 21 maja.

Partrety Kim Ir Siena (dzieda siońniašniaha kiraŭnika KNDR) i Kim Čen Ira (baćki Čen Yna) u krainie možna sustreć paŭsiudna, u tym liku ŭ kvaterach, u mietro, u ofisach. Jany vysoka ceniacca, ich nieabchodna ratavać luboj canoj z ryzykaj dla svajho žyćcia abo dla žyćciaŭ svaich blizkich.

Taksama jany pavinna raźmiaščacca na asobnaj ścianie, kudy nie pavinny bolš ničoha viešać. Ich treba rehularna pracirać śpiecyjalnaj tkaninaj i vadkaściu, za čym sočyć śpiecyjalnaja kamisija, jakaja moža zavitać ź inśpiekcyjaj u kvateru navat nočču.

Čytajcie taksama:

Kim Čen Yn razam z 12-hadovaj dačkoj uračysta adkryŭ zabudovu vulicy z 80-paviarchovym budynkam u Pchieńjanie FOTY

Kim Čen Yn pabudavaŭ raskošny horad dla raspracoŭščykaŭ jadziernaj zbroi

Kim Čen Yn zrabiŭsia zorkaj tyktoku. Jak paŭnočnakarejski prapahandyscki rolik staŭ supierchitom u sacsietkach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
10
Ха-ха
12
Ого
0
Сумна
2
Абуральна
1
2
Byl/adkazać/
22.05.2024
U nas skoro pałatka primiet zakon i utvierdit 4 portrieta łukašienok v každyj dom, a u samich viertikalŝikov užie po dva portrieta i fłaha.
0
Hańba/adkazać/
22.05.2024
Byl, I Siałuk jašče pad nizom budzie boŭtacca.
0
Josik/adkazać/
22.05.2024
Hałoŭny kadebešnik taksama kanśpiektavaŭ za dyrektaram saŭhasa paradak zachopu dyviersantaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera