Znajści
Ałharytmičny łacinski varyjant
22.05.2024 / 15:10RusŁacBieł

Raskład biełaruskich mierapryjemstvaŭ u asnoŭnaj prahramie Varšaŭskaha knižnaha kirmašu

23 — 26 maja ŭ Varšavie ŭ Pałacy Kultury i Navuki projdzie mižnarodny knižny kirmaš, u miežach jakoha budzie pracavać i stend niezaležnych biełaruskich vydaŭcoŭ «Volnaja Biełaruś» (stoisko nr 138 w Sali Marmurowej, PKiN).

Voś raskład mierapryjemstvaŭ.

24.05, piatnica

Čas: 12.00 — 12.50 

Miesca: zala imia Mikałajskaj, Pałac kultury i navuki, Varšava.

Tema: Biełaruskaja litaratura ŭ polskich pierakładach (arhanizatar mierapryjemstva Instytut biełaruskaj knihi; na polskaj movie ź biełaruskim pierakładam).

Ciaham apošnich dziesiacihodździaŭ polskija vydaŭcy sprabujuć «raskrucić» biełaruskuju litaraturu na chvali ŭzmacnieńnia palityčnaj aktyŭnaści napiaredadni i adrazu paśla prezidenckich vybaraŭ u Biełarusi. Na žal, u infarmacyjnym zaciššy, jakoje zvyčajna panuje ŭ pieryjad pamiž vybarami, vydaŭničy zapał pastupova zhasaje. Pryciahnuć, a potym utrymać uvahu čytačoŭ i vydaŭcoŭ — zadača nie z prostych, da taho ž dadajecca prablema, źviazanaja z pošukam dobraha pierakładčyka ź biełaruskaj na polskuju movu. U takoj situacyi biełaruskaja litaratura zastajecca dla bolšaści čytačoŭ i vydaŭcoŭ u Polščy praktyčna nieviadomaj. Ci i jakija miery prymajucca dziela taho, kab źmianić isnujučuju situacyju, i što biełaruskaja litaratura moža prapanavać polskamu čytaču — pra heta pahavorym padčas sustrečy.

U sustrečy voźmuć udzieł:

  • Natalla Rusieckaja — biełarusistka, pierakładčyca, adjunkt na kafiedry słavianskaha litaraturaznaŭstva Univiersiteta Maryi Składoŭskaj-Kiury;
  • Jarasłaŭ Ivaniuk — vydaviec, žurnalist, zasnavalnik tavarystva «Kamunikat»;
  • Katažyna Drozd-Urbańska — biełarusistka, adjunkt na kafiedry biełarusistyki Varšaŭskaha Univiersiteta.

25.05, subota

Čas: 15.00 — 15.50

Miesca: zala imia Mikałajskaj, Pałac kultury i navuki, Varšava

Tema: Aleś Bialacki: Nobieleŭski łaŭreat i palityčny viazień (arhanizatar mierapryjemstva pravaabarončy centr «Viasna»; na biełaruskaj movie z polskim pierakładam).

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930