Znajści
Ałharytmičny łacinski varyjant
22.05.2024 / 14:50RusŁacBieł

Entamołah sprahnazavała, kali skončycca našeście škodnych mošak na Homielščynie

Moški — kryvasmoki. U ich ślinie źmiaščajecca hiemalityčny jad, jaki vyklikaje miascovyja alerhičnyja reakcyi.

Štohod u Homielskaj vobłaści nazirajecca našeście mošak, adznačyła entamołah. «Časam ich bolš, časam mienš. Sioleta značna bolš. Z čym heta źviazana? Pa-pieršaje, u našym rehijonie vialikaja kolkaść chutkich rek — heta asnoŭnaja ŭmova ich vyviadzieńnie. Plus sioleta była vysokaja i praciahłaja pavodka, tamu i kolkaść mošak vyšejšaja, čym u minułyja hady», — patłumačyła BiełTA entamołah Homielskaha abłasnoha centra hihijeny, epidemijałohii i hramadskaha zdaroŭja Tamara Husarava.

«Pavodle entamałahičnych nazirańniaŭ, vylet mošak byŭ u treciaj dekadzie krasavika. Heta na dekadu raniej, čym zvyčajna. Praciahłaść žyćcia mošak — bolš za miesiac. Tamu lohka raźličyć, što spad masavaj aktyŭnaści mošak u nas budzie ŭ pieršaj dekadzie červienia», — patłumačyła Tamara Husarava.

Jana źviarnuła ŭvahu, što moški — škodnyja kryvasmoki. U ich ślinie źmiaščajecca hiemalityčny jad, jaki vyklikaje miascovyja alerhičnyja reakcyi. Jany supravadžajucca śvierbam, pačyrvanieńnie, aciokami.

«Śpiecyjalnaha lačeńnia hetyja acioki nie patrabujuć. Adnak množnyja ŭkusy mohuć pryvieści da bolš surjoznych alerhičnych reakcyj u dziaciej i ludziej, jakija pakutujuć na alerhiju», — pieraścierahła śpiecyjalist.

Entamołah dała šerah rekamiendacyj.

«U pieryjad aktyŭnaści nieabchodna abaranić siabie i svaich blizkich ad hetaj pošaści. Pierš za ŭsio varta vyklučyć prahułki ŭzdoŭž rek — heta miescy vyviadzieńnia mošak. Vychodziačy na vulicu, maksimalna prykryvajcie adkrytyja ŭčastki cieła, vykarystoŭvajcie repielenty. Možna ŭžyvać i narodnyja adpužvalnyja srodki — efirnyja alei cytrusavych, łavandy. Mošak adpudžvaje i pach vanilinu», — skazała śpiecyjalist i dadała, što ŭ mošak jość bijałahičnaja asablivaść — jany napadajuć tolki na adkrytym pavietry.

Kab źniać śvierb paśla ŭkusaŭ, ranu možna apracavać vodnym rastvoram sody, mylnym rastvoram, adznačyła Tamara Husarava.

«Niekatoryja vykarystoŭvajuć balzam «Zoračka», patrojnyja adekałony», — dadała jana.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
1
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930