Znajści
Ałharytmičny łacinski varyjant
21.05.2024 / 21:0033RusŁacBieł

Siłaviki vykłali «bazy padpisantaŭ niezaležnych miedyja». Razabralisia, što heta i jak abaranić siabie

U bazie bolš za 46 tysiačaŭ tych, chto łajkaŭ u instahramie «Našu Nivu», i bolš za 220 tysiačaŭ tych, chto staviŭ łajki «Lusterku». Raspaviadajem, jak źbirajucca takija bazy, jak abaranicca ŭ Instahramie i jak całkam vydalić svoj akaŭnt.

Kałaž «Našaj Nivy»

U kanałach, źviazanych z HUBAZiK i dziaržaŭnymi prapahandystami, źjaviŭsia «śpis padpisantaŭ ekstremisckich resursaŭ». Jon apublikavany ad imia «nieabyjakavaha hramadzianina, na žyćcio jakoha zmahary paŭpłyvali ŭ drenny bok», ale my miarkujem, što heta sprava ruk HUBAZiK — jany pieršyja i pačali raspaŭsiudžvać hetuju infarmacyju.

U kanały vykłali dźvie tablicy z nazvami «Naša Niva» (UPD: lepš nie spampoŭvajcie fajły, niekatoryja antyvirusy bačać u ich škodnyja ŭbudavańni). Pieršaja — heta akaŭnty, jakija łajkali našy publikacyi ŭ instahramie za ŭvieś čas, jana naličvaje bolš za 46 tysiač radkoŭ. Druhaja — heta ŭsie ludzi, jakija niešta kamientavali, bolš za 10 tysiač akaŭntaŭ.

My pierapravieryli «śpisy padpisantaŭ niezaležnych miedyja» i zahruzili ich u vobłaka, kab možna było prahladać biaśpiečna

U tablicy jość imia akaŭnta, jaho ID, «bijahrafija», ukazany horad, a dla niekatorych taksama e-mail i telefonny numar.

Apošnija, imavierna, «ubivalisia» ŭručnuju siłavikami sa svaich unutranych bazaŭ, bo na staronkach akaŭntaŭ jany nie paznačanyja. Elektronnyja adrasy i telefonnyja numary jość tolki na pieršych radkach tablicy — robicca heta dla zapałochvańnia, bo bolšaść ludziej nie stanie hartać tablicu ź niekalkimi dziasiatkami tysiačaŭ radkoŭ da kanca.

Data zboru źviestak nieviadomaja, ale apublikavali jaje siońnia — sami hubazikaŭcy kažuć pra «stan paŭhoda tamu». Tablica, vidavočna, sabranaja mašynnym šlacham — heta dazvalaje zrabić miechanizm API Instagram.

Ci jość u źjaŭleńni padobnych śpisaŭ vina niezaležnych miedyja? Nie. Nas nichto nie ŭzłomvaŭ, usia apublikavanaja infarmacyja pa zmoŭčańni adkrytaja.

Zmahacca z hetym, na žal, niemahčyma — navat kali my zrobim akaŭnt zakrytym, to nie zdolejem adfiltravać siarod dziasiatkaŭ tysiačaŭ našych padpisčykaŭ akaŭnty hubazikaŭcaŭ.

@nashaniva Siłaviki apublikavali bazu tych, chto łajkaŭ roznyja instahram-kanały. Ale ŭ fajł zašyty virus!!! #biełaruś#kibierbiezopasnosť#biezopasnosť#biezopasnosťvsieti#kibier#intierniet#virus#trajan#našaniva♬ Paris - 3Hzwave

Ci jość tut novyja pahrozy?

Nie.

Siłaviki źbirali bazy padpisantaŭ niezaležnych miedyja i raniej. Kali vy niešta robicie ŭ sacsietkach, to varta mieć na ŭvazie, što heta tak ci inačaj moža stać publičnym abo viadomym siłavikam — u hetym usia sutnaść sacyjalnych sietak. Tamu kali vy znachodziciesia ŭ Biełarusi abo viartajeciesia tudy, to varta być hranična aściarožnym. A padpiska na «ekstremisckija» miedyja zaŭždy pahražała biełarusam administratyŭnaj spravaj.

Novych pahrozaŭ my ŭ hetym nie bačym. Toje, što śpisy vykłali publična, nahadvaje pra niebiaśpieki, jakija pahražajuć biełarusam. Heta dazvalaje realistyčna aceńvać vykliki.

Što rabić, kali ja ŭ śpisie?

Nasamreč toje samaje, što i raniej. Hety śpis apublikavany, kab zapužać biełarusaŭ.

Kali vy prosta łajkali niešta ŭ instahramie, to vam moža pahražać administratyŭny pratakoł. Abaranicca ad hetaha niemahčyma.

Kali vy ŭ Biełarusi i pakidali niejki kamientar, to ŭ našaj instrukcyi napisana, jak jaho vydalić. Pry hetym vam moža pahražać jak administratyŭnaja, hetak i kryminalnaja adkaznaść u zaležnaści ad źmiestu kamientara. Abaranicca ad hetaha niemahčyma.

Kali vy za miažoj, ale źbiralisia viartacca ŭ Biełaruś, to vas moža čakać zatrymańnie na miažy. U zaležnaści ad taho, što mienavita vy rabili ŭ sacsietkach, vy možacie atrymać administratyŭku abo kryminałku.

Takim čynam, varta vielmi aściarožna stavicca da taho, što vy publikujecie, i razumieć, što praź internet-aktyŭnaść u vas mohuć uźniknuć prablemy ŭ realnym žyćci.

Jak abaranicca?

Pa-pieršaje, vy možacie źmianić imia akaŭnta, źmianić profil i prybrać fota. Dla hetaha zajdzicie ŭ vaš profil.

Naciśnicie «Redahavać profil». Adkryjecca mieniu, dzie vy možacie źmianić usie bačnyja inšym źviestki.

Mieniu «Redahavać profil»

Naprykład, naciśnicie na «imia karystalnika». Uviadzicie luboje inšaje imia i zachavajcie źmieny.

Źmienienaje imia karystalnika

ID akaŭnta nie źmienicca, i vas usio roŭna možna budzie adšukać navat kali vy ŭ «źlitych» śpisach, ale ad častki pravakacyjaŭ heta vas abaronić.

Pa-druhoje, zakryjcie akaŭnt. Dla hetaha zajdzicie ŭ akaŭnt i naciśnicie simvał «try linii». Paśla ŭvajdzicie ŭ nałady — na vialiki žal, u instahramie niama biełaruskaj, tamu interfiejs prahramy pa-rusku.

Pierachod u nałady. Fota: Livedune.com

Paśla zajdzicie ŭ mieniu «kanfidencyjnaść akaŭnta» i naciśnicie «zakryć akaŭnt».

Zakryćcio akaŭnta. Fota: Livedune.com

Ciapier za vami budzie składaniej sačyć — śpis padpisčykaŭ i vašych padpisak, jak i vašy publikacyi, buduć schavanyja ad tych, kaho vy nie ŭchvalili.

My adnaznačna raim zakryć profili i prybrać ułasnaje fota z avatarki ludziam, jakija znachodziacca ŭ Biełarusi — heta nieidealnaje rašeńnie, ale jano mocna ŭskładniaje žyćcio siłavikam.

Pa-treciaje, vy možacie vydalić akaŭnt całkam. Dla hetaha spačatku zajdzicie ŭ nałady i naciśnicie «Centr akaŭntaŭ».

Mieniu «Nałady i dziejańni» ŭ instahramie

Dalej adkryjecca mieniu naładaŭ «Centra akaŭntaŭ». Naciśnicie «Asabistaja infarmacyja».

Mieniu «Centra akaŭntaŭ» Meta

Dalej źjavicca mieniu «Asabistaja infarmacyja». Abiarycie «Vałodańnie i kiravańnie akaŭntam».

Punkt mieniu «Asabistaja infarmacyja»

Tut abiarycie «Deaktyvacyja i vydaleńnie».

Punkt mieniu «Vałodańnie i kiravańnie akaŭntam»

Tut naciśnicie na akaŭnt, jaki vy chočacie vydalić.

Punkt mieniu «Deaktyvacyja i vydaleńnie»

Dalej uviadzicie parol.

Mieniu ŭvoda parola

Ciapier abiarycie «pryčynu vydaleńnia» — jana moža być luboj.

Vybar pryčyny vydaleńnia akaŭnta

Dalej naciśnicie «paćvierdzić». Vašy źviestki całkam vydalacca ciaham miesiaca.

Kančatkovaje paćvierdžańnie vydaleńnia instahram-akaŭnta

Dziela taho, kab zrabić adnaŭleńnie całkam niemahčymym, pieraniasicie akaŭnt na inšy numar i e-mail. My padrabiazna pisali pra heta ŭ instrukcyi pa vydaleńni fejsbuka.

Paśla vydaleńnia vaš akaŭnt budzie niedastupny, źniknuć łajki i kamientary. Praź miesiac vy možacie stvaryć novy akaŭnt na toj ža telefon i mejł (kab nie čakać — pieraniasicie stary akaŭnt na inšyja telefon i mejł da vydaleńnia).

«Naša Niva» — bastyjon biełaruščyny

PADTRYMAĆ

Čytajcie taksama:

My pierapravieryli «śpisy padpisantaŭ niezaležnych miedyja» i zahruzili ich u vobłaka, kab možna było prahladać biaśpiečna

Jak pravilna čyścić svoj akaŭnt u Instagram, kab zaścierahčy siabie. Padrabiazny hajd

Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca

My adšukali ŭ Telegram funkcyju, jakaja moža być niebiaśpiečnaj dla biełarusaŭ. Voś jak zaścierahčy siabie i jak zrabić jaje karysnaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
30
Панылы сорам
9
Ха-ха
11
Ого
5
Сумна
15
Абуральна
40
2
Niejak tak/adkazać/
22.05.2024
LOL, jakoha adčajanija, adčaj tolki ŭ ludziej, a jany całkam kantralujuć situacyju
1
Chmm/adkazać/
22.05.2024
Niejak tak, Prakopjeŭ absalutna nie maje racyi, kažučy, što ŭ Biełarusi niama nijakaha tarfianoha pažara. Tarfiany pažar haryć i toje, kolki vysiłkaŭ traciać łukašenkaŭskija "siłaviki", kab vyjavić ačahi tarfianoha pažara, hetamu najlepšaje paćvierdžańnie.
2
Niejak tak/adkazać/
22.05.2024
Chmm, vy demahoh jak i mnostva novaśpiečanaj apazicyi z 20ha
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930