Znajści
Ałharytmičny łacinski varyjant
22.05.2024 / 13:1210RusŁacBieł

68-hadovamu žycharu Lachavičaŭ vynieśli šakujučy prysud: siem hadoŭ kałonii i 12 tysiač rubloŭ štrafu

Brescki abłasny sud 20 maja vynies prysud Barysu Vitko. Spravu razhladała sudździa Viera Fiłonik. Na hety raz palitviaźniu vystavili bolš surjoznyja abvinavačańni pa niekalkich artykułach, piša «Viasna».

Barys Vitko

Palitviaźnia abvinavacili pa ŭsich pradjaŭlenych artykułach:

  • č. 1 art. 368 — abraza Alaksandra Łukašenki;
  • art. 188 — paklop;
  • č. 2 art. 367 — paklop u dačynieńni da prezidenta;
  • art. 369 — abraza pradstaŭnika ŭłady;
  • č. 2 art.368 — abraza prezidenta, ździejśnienaja paŭtorna;
  • č. 1 art. 130 — raspalvańnie inšaj sacyjalnaj varožaści abo varažniečy;
  • č. 1 art.361 — zakliki da mier abmiežavalnaha charaktaru (sankcyj), nakiravanych na pryčynieńnie škody nacyjanalnaj biaśpiecy Respubliki Biełaruś.

Barys Vitko raniej byŭ asudžany za abrazu sudździ pavodle art. 391 Kryminalnaha kodeksa. Nibyta jon 30 vieraśnia 2021 hoda ŭ telehram-kanale «Lachavičy 97» jon napisaŭ abraźlivy kamientar u dačynieńni da sudździ Mikałaja Kmity.

20 studzienia 2023 hoda sud Lachavickaha rajona pryznaŭ jaho vinavatym i prysudziŭ dva hady abmiežavańnia voli biez nakiravańnia va ŭstanovu adkrytaha typu («chatniaja chimija»).

Razhlad sudovaj spravy pačaŭsia jašče 4 studzienia i doŭžyŭsia ź pierapynkami da 20 traŭnia.

Pavodle materyjałaŭ abvinavačańnia, Vitko sa studzienia 2021 hoda pa lipień 2022 hoda «naŭmysna raźmiaściŭ u ekstremisckich čatach paviedamleńni, jakija źmiaščajuć abrazy pradstaŭnikoŭ ułady ŭ suviazi z vykanańniem imi słužbovych abaviazkaŭ.

Tak, jon raźmiaściŭ u sietcy Internet infarmacyju abraźlivaha i paklopnickaha charaktaru ŭ dačynieńni da Alaksandra Łukašenki, jakaja źmiaščaje zahadzia iłžyvyja źviestki, złučanyja z abvinavačvańniem u ździajśnieńni ciažkaha i asabliva ciažkaha złačynstvaŭ, a taksama z metaj destabilizacyi nasielnictva, raźmiaściŭ u mesendžary «Telegram» kamientary ŭ dačynieńni da hrup asob, jakija naležać da peŭnych prafiesij, relihii i nacyjanalnaści z zaklikam da ździajśnieńnia hvałtoŭnych dziejańniaŭ, ździejśniŭ naŭmysnyja dziejańni, nakiravanyja na ŭzbudžeńnie nacyjanalnaj, relihijnaj i inšaj sacyjalnaj varožaści i varožaści».

@nashanivanews Piensijanieru ź Lachavičaŭ dali 7 hadoŭ turmy #biełaruś#biełaruskajamova#lachoviči#našaniva#biełaruśnovosti#novostibiełarusi♬ Crime Scene - Avery Alexander

A ŭ lipieni 2022 hoda Vitko «raźmiaściŭ niehatyŭnyja paviedamleńni i kamientary, jakija dyskredytujuć Respubliku Biełaruś, źmiaščajuć publičnyja zakliki da zachopu dziaržaŭnaj ułady, hvałtoŭnaha źmianieńnia kanstytucyjnaha ładu Respubliki Biełaruś, ździajśnieńnia akta teraryzmu i inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś».

Sud pryznaŭ piensijaniera vinavatym i na padstavie č. 2 art. 367 KK pryznačyŭ jamu pakarańnie ŭ vyhladzie pazbaŭleńnia voli na termin try hady;

— u publičnaj abrazie Alaksandra Łukašenki i na padstavie č. 1 art. 368 KK dva hady kałonii,

— u raspaŭsiudzie zaviedama iłžyvych źviestak (paklop) u infarmacyi, raźmieščanaj u internecie, jakaja źmiaščaje abvinavačvańnie ŭ ździajśnieńni asabliva ciažkaha złačynstva, i na padstavie art.188 KK — dva hady;

— u naŭmysnych dziejańniach, nakiravanych na raspalvańnie nacyjanalnaj, relihijnaj i inšaj sacyjalnaj varožaści i varožaści pa prykmiecie nacyjanalnaj, relihijnaj i inšaj sacyjalnaj prynaležnaści, i na padstavie č. 1 art. 130 KK — try hady;

— u publičnych zaklikach da zachopu dziaržaŭnaj ułady, hvałtoŭnaha źmianieńnia kanstytucyjnaha ładu, ździajśnieńnia akta teraryzmu i inšych dziejańniaŭ, nakiravanych na pryčynieńnie škody nacyjanalnaj biaśpiecy i na padstavie č. 3 art. 361 KK jamu pryznačana pakarańnie ŭ vyhladzie pazbaŭleńnia voli — šeść hadoŭ;

— u publičnaj abrazie Alaksandra Łukašenki, učynienaj asobaj, raniej sudzimaj za abrazu, i na padstavie č. 2 art. 368 KK — try hady;

— u abrazie pradstaŭnika ŭłady ŭ suviazi z vykanańniem im słužbovych abaviazkaŭ u infarmacyi, raźmieščanaj u internecie, i na padstavie art. 369 KK jamu pryznačana pakarańnie ŭ vyhladzie pazbaŭleńnia voli na termin dva hady sa štrafam 300 bazavych vieličyń (12 000 rubloŭ).

Pa sukupnaści prysudaŭ šlacham častkovaha składańnia nieadbytaj častki pryznačana pakarańnie siem hadoŭ try miesiacy kałonii va ŭmovach uzmocnienaha režymu sa štrafam u dachod dziaržavy 300 bazavych vieličyń (12 000 rubloŭ).

Čytajcie taksama:

U Breście za ŭdzieł u akcyi pratestu ŭ žniŭni 2020 hoda asudzili adrazu 8 čałaviek

Na Palinu Šarendu-Panasiuk znoŭ zaviali kryminalnuju spravu za niepadparadkavańni administracyi

U Breście hramadzianina Ukrainy asudzili na 6 hadoŭ kałonii za «ahienturnuju dziejnaść»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
3
Ха-ха
0
Ого
1
Сумна
5
Абуральна
36
1
Mienia zovut Vieročka Fiłonik/adkazać/
22.05.2024
Noŭnejm
1
fizika-matiematika/adkazać/
22.05.2024
"...pradstaŭnikoŭ ułady ŭ suviazi z vykanańniem imi słužbovych abaviazkaŭ"
--------
Hosudarstvo - priedmiet tupoj. Etot tupoj priedmiet lehko i zaprosto ubivajet. Odnako... ohlanuvšiś vokruh, ja vižu stolko ludiej s t.n. "hosudarstviennym myšlenijem", stolko ludiej, hotovych obožiestvlať hosudarsto, opravdyvať čto uhodno imieniem hosudarstva, nazyvajuŝich siebia priamo taki "hosudarievymi lud́mi", čto užie i somnievaťsia načinaju: a ludi li mienia okružajut
0
Panikieru/adkazać/
22.05.2024
Vład, a ŭ vas?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera