Znajści
Ałharytmičny łacinski varyjant
22.05.2024 / 14:0410RusŁacBieł

«Chacieli pryciahnuć uvahu da vybaraŭ u KR». Bajpoł adkazaŭ na krytyku vykarystańnia čat-bota płana «Pieramoha»

Bajpoł apublikavaŭ adkaz na krytyku vykarystańnia čat-bota płana «Pieramoha»: unočy jaho ŭdzielniki atrymali zakliki ŭdzielničać u vybarach u KR i padtrymać śpis №5 «Zakon i pravaparadak». 

U adkazie Bajpoł paviedamlaje, što śpisy tych, chto zapisaŭsia ŭ płan «Pieramoha» i tych, chto paćvierdziŭ svaju hatoŭnaść da aktyŭnaha supracivu, adroźnivajucca. 

«Usie, chto paćvierdziŭ svaju hatoŭnaść da aktyŭnaha supracivu, pieraviedzieny ŭ inšyja kanały kamunikacyj u metach biaśpieki. Ale ŭ čat-bocie płana «Pieramoha» zastajucca dziasiatki i dziasiatki tysiač nieabyjakavych biełarusaŭ». Mienavita jany i atrymali rassyłku. 

«Z pryčyny taho, što apošniaja rassyłka zadziejničała vialikuju kolkaść karystalnikaŭ płana «Pieramoha», i dla mnohich dadzienaje paviedamleńnie stała pieršym u čat-bocie, razumiejem heta vyklikała rezanans. Jak śledstva, ŚMI źviarnuli ŭvahu na našu apošniuju rassyłku, vystaŭlajučy jaje ŭ niehatyŭnym śviatle», — havorycca ŭ pres-relizie.

Mienavita da hetaj aŭdytoryi źviarnuŭsia Bajpoł z zaklikam udzielničać u vybarach u Kaardynacyjnuju radu, bo «ŭciahnutaść biełarusaŭ u pieršyja demakratyčnyja vybary ŭ XXI stahodździ — važny sihnał i ŭsim nam, i mižnarodnaj supolnaści ab tym, nakolki biełarusy nie «pieraviarnuli staronku» z 2020-ha hoda».

«Mienavita z uśviedamleńniem hetaha absalutnaja bolšaść biełaruskich palitykaŭ i aktyvistaŭ pajšli na vybary ŭ Kaardynacyjnuju radu, niahledziačy na ŭsie ryzyki i represii, jakimi pahražaŭ i ŭžo pačaŭ realizoŭvać režym», — piša Bajpoł, dadajučy, što ŚMI «nie prajavili takoj ža aktyŭnaści ŭ aśviatleńni temy vybaraŭ i pryciahnieńni šyrokaj aŭdytoryi da vybaraŭ u Kaardynacyjnuju radu».

«Mienavita tamu dla pryciahnieńnia ŭvahi armii nieabyjakavych biełarusaŭ da takich važnych dla ŭsiaho biełaruskaha demakratyčnaha ruchu vybaraŭ byŭ vykarystany čat-bot płana «Pieramoha» siońnia», — tłumačyć Bajpoł.

Arhanizacyja nijak nie prakamientavała, što padvierhła ryzycy ludziej u Biełarusi. 

Čytajcie taksama:

Padpisanym na płan «Pieramoha» pryjšło apaviaščeńnie: hałasujcie za Azarava. Što adbyvajecca i ŭ čym niebiaśpieka

Azaraŭ patłumačyŭ, što adbyvajecca sa źviestkami z płana «Pieramoha»

Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»

Jak pačyścić telehram-boty, kab nie zastałosia nijakich śladoŭ VIDEA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
6
Ха-ха
1
Ого
0
Сумна
0
Абуральна
7
0
Hańba/adkazać/
22.05.2024
[Red. vydalena]
1
Dyjahnaz/adkazać/
22.05.2024
Heta jak minimum złoŭžyvańnie słužbovym stanoviščam u asabistych metach. A pa-čałaviečy - podłaść.
0
Jevhienij/adkazać/
22.05.2024
Kak-to nie silno vieritsia, čto eto hłuposť i niedalnovidnosť. Znaja, čto po raźmieru pakieta fotohrafij vyčiślali ludiej, diełať massovuju rassyłku ludiam v Biełarusi, da jeŝio i s odnim tiekstom. Mołodiec, čto už tam... Ludiam v Biełarusi, kotoryje eto połučili, žiełaju maksimalno vyčistiť tiechniku ot vsieho. Raźmier pakieta vriad li staniet pričinoj kakoho-to dieła, a vot povodom naviedaťsia i izučiť sodieržimoje tielefona i kompa - vpołnie. Kak ty to ni było, eto v łučšiem słučaje nieprofieśsionalizm vysočajšieho urovnia. A v chudšiem - zdrada. I v oboich - pochorony dla politika Azarova.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930