Znajści
Ałharytmičny łacinski varyjant
22.05.2024 / 12:246RusŁacBieł

Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach

Jeŭrapiejskija krainy razhladajuć roznyja miery cisku na hruzinski ŭrad.

Fota: Echo Kavkaza

Čatyry krainy Jeŭrasajuza — Estonija, Niderłandy, Čechija i Šviecyja — prapanujuć admianić biaźvizavy režym dla hramadzian Hruzii, kali hruzinskija ŭłady prymuć zakon ab «zamiežnych ahientach», piša Radyjo Svaboda.

Jeŭrapiejskija krainy razhladajuć «roznyja miery cisku na hruzinski ŭrad», havorać čynoŭniki, znajomyja z pytańniem. Siarod inšych mier — kropkavyja sankcyi i zamarozka vydzialeńnia srodkaŭ z fondaŭ Jeŭrasajuza. Inicyjatary žadajuć abmierkavać ich na sustrečy ministraŭ zamiežnych spraŭ ES užo na nastupnym tydni.

Dla pryniaćcia rašeńnia spatrebicca zhoda ŭsich 27 krain Jeŭrasajuza. Adnak, pa źviestkach The Financial Times, jak minimum adna kraina — Vienhryja — padtrymlivaje hruzinski ŭrad i navat prapanuje ŭsim krainam ES pryniać anałahičny.

Raniej Jeŭrakamisija zaklikała hruzinskija ŭłady admovicca ad pryniaćcia zakona «Ab prazrystaści zamiežnaha ŭpłyvu», jaki krytyki nazyvajuć anałaham represiŭnaha rasijskaha zakona ab zamiežnych ahientach. Jeŭrakamisija zaznačyła, što rašeńnie «niehatyŭna paŭpłyvaje na jeŭrapiejskija pierśpiektyvy Hruzii», bo zakonaprajekt padryvaje hramadzianskuju supolnaść i pahražaje svabodzie ŚMI. U minułym hodzie Hruzija atrymała status kandydata na ŭstupleńnie ŭ Jeŭrasajuz, ale pieramovy ab im jašče nie pačalisia.

Taksama ad pryniaćcia zakona zaklikali admovicca ZŠA, pryhraziŭšy pierahledzieć šmatmiljonnyja prahramy dapamohi Hruzii i ŭvieści sankcyi suprać datyčnych da represij u dačynieńni da pratestoŭcaŭ. Inicyjatar zakonaprajekta — kirujučaja «Hruzinskaja mara» — asudziła mižnarodny cisk.

Na minułym tydni, 14 traŭnia, hruzinski parłamient uchvaliŭ zakonaprajekt ab «zamiežnych ahientach» u trecim, kančatkovym, čytańni. Prezident Hruzii Sałamie Zurabišvili nakłała na jaho vieta. U «Hruzinskaj mary» jość dastatkova hałasoŭ u parłamiencie, kab prezidenckaje vieta pieraadoleć.

Abmierkavańnie zakonaprajekta supravadžajecca šmattysiačnymi pratestami ŭ Tbilisi i ŭ inšych haradach krainy. Dziesiatki tysiač pratestujučych užo bolš za miesiac vychodziać na vulicy sa ściahami Hruzii i Jeŭrasajuza i patrabavańniem nie prymać «rasijski zakon». Na pratestach zdaralisia sutyčki z palicyjaj — taja prymianiała siłu i zatrymlivała pratestoŭcaŭ, jakija, na jaje dumku, parušali hramadski paradak. U krainie taksama prachodziła studenckaja zabastoŭka suprać zakonaprajekta ab «inšaahientach».

Čytajcie taksama:

Prezident Hruzii zaklikała Makrona pryjechać u Tbilisi na fonie pratestaŭ

Na pratest u Tbilisi suprać «zakona ab inšahientach» vyjšła 200 tysiač čałaviek

U Hruzii špitalizavali 8 pratestoŭcaŭ suprać zakona ab inšahientach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
3
Ха-ха
0
Ого
0
Сумна
1
Абуральна
0
2
Tłumačeńnie/adkazać/
22.05.2024
Janka, zakon prymaje vybarny parłamient, parłamient vybirajecca hramadzianami. Parłamient prymaje zakon ab zamiežnych ahientach, hramadzianie niasuć adkaznaść, pazbaŭlajučymia biaźvizu.
1
Piordž/adkazać/
22.05.2024
Pudzh, voooŭ, znoŭ čuvać skavytańnie la kramloŭskaha karyta, bo pa viersii Pudzh, akazvajecca heta ES vinavaty ŭ vajnie. Prosta nievierahodny doŭb**ń z adsutnaściu mazhoŭ. U takich lubicielaŭ kramloŭskaha h*ŭna, taksama i Polšča vinavataja, što na jaje napaŭ Hitler u 1939. Pa-pieršaje, biaźvizam karystajucca ŭ tym liku i kramloŭskaja ahientura, jakaja tryvała zasieła ŭ hruzinskim parłamiencie i nie tolki tam. Pa-druhoje, biaźviz i praviła ŭjezdu dla hramadzian inšych krain - heta vyklučna ŭnutranaje pytańnie ES kali, jak, kamu jaho pradstaŭlać ci skasoŭvać. Čamuści tolki ŭ kramloŭskich heta litaralna vyklikaje padharańnie, navat ad adnaho słova Majdan. Choć, hramadzianie Hruzii masava vychodzili suprać zakonu navat jašče letaś, pakazaŭšy svajo staŭleńnia da hetaha rasiejskaha zakonu. I tady jaho pryniaćcio skasavali. Čamu prakramloŭskaja partyja zaraz znoŭ vyrašyła jaho pryniać? Jość vidavočnyja prajavy, što prajekt zakonu znoŭ dastali paśla kansultacyj i padtrymki z boku Maskvy, ale dla vas heta čamuści nie manipulacyi i nie interviencyja va ŭnutranuju palityku Hruziju? I apošniaje, dla tych chto tak uparta lubić paŭtarać kramloŭskuju łuchtu, što ŭ ZŠA jość padobny zakon. U ZŠA zakon jość, ale jon nie maje aničoha ahulnaha z tym represiŭnym zakonam, što pryniaty ŭ RF, i jaki tak namahajucca pryniać u Hruzii, skapiravaŭšy navat cełyja farmuliroŭki z rasijskaj viersii. U ZŠA nie praduhledžana kryminalnaja adkaznaść pa hetamu zakonu. A nadańnie statusa ab zamiežnym finansavańni adbyvajecca tolki paśla suda, i tolki paśla apielacyj va ŭsich instancyjach. Ničoha takoha i blizka niama ŭ rasiejskim zakonie, dzie cetlik “inahient” naviešvajecca vyklučna karnym orhanam biez suda i śledstva i vykarystoŭvajecca dla represij suprać niaŭhodnych. Anałahičnyja padychody prakramloŭskaja partyja choča pryniać i ŭ Hruzii, dzie padkantrolnaje im viedamstva budzie prymać takija karnyja rašeńni, a dla tych chto nie budzie vykonvać, buduć kidać za kraty da 5 hadoŭ.
0
Boba /adkazać/
22.05.2024
Hospadzi kakije žie oni idioty. Otmienitie bieźvizovyj riežim dla tiech kto priniał etot zakon. Ostalnyje ludi to pri čiem? Zakrojem pieriechody, otmienim vizovyj riežim, zaprietim vyjezžať bolšie čiem odin raz v połhoda... Čiem vy ot ruśni otličajetieś? 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera