Šmatdzietnyja siemji i žyćcio na siale: Łukašenka pravioŭ naradu pa sacyjalnych pytańniach
Alaksandr Łukašenka sabraŭ naradu z kiraŭnictvam urada pa niekalkich pytańniach sacyjalnaj nakiravanaści: padtrymki šmatdzietnych siemjaŭ, piensijnaj sistemy, budaŭnictva žylla, a taksama hramadzianskich i moładzievych inicyjatyŭ, piša BiełTA.
BiełTA
«Navat u hety niaprosty momant my pavinny pryniać dadatkovyja miery pa abaronie intaresaŭ šmatdzietnych siemjaŭ i dać im finansavuju dapamohu pry budaŭnictvie žylla da dasiahnieńnia dziećmi 23 hadoŭ (raniej — da 18 hadoŭ)», — zajaviŭ Łukašenka.
Taksama płanujecca pavialičyć pamier dziaržaŭnaj padtrymki šmatdzietnym siemjam na siale, dzie muž abo žonka pracujuć u sielskaj miascovaści.
Akramia taho, dla stymulavańnia pierajezdu hramadzian u sielskuju miascovaść prapanujecca dać mahčymaść tym, chto maje patrebu ŭ palapšeńni žyllovych umoŭ z abłasnych centraŭ i Minska pabudavać žyllo ź dziaržpadtrymkaj u nasielenych punktach z kolkaściu da 20 tys. čałaviek.
Taksama na naradu byli vyniesienyja prapanavanyja ŭradam padychody da dalejšaha raźvićcia piensijnaj sistemy.