Pierad vybarami «Biełaruś-1» pakaža «teleprajekt pra stanaŭleńnie biełaruskaj dziaržaŭnaści»
Napiaredadni prezidenckich vybaraŭ telekanał «Biełaruś 1» zapuskaje prajekt ab stanaŭleńni biełaruskaj dziaržaŭnaści.
Jak paviedamlaje pres-słužba Biełteleradyjokampanii, televizijny dakumientalny sieryjał ab najnoŭšaj biełaruskaj historyi «My — biełarusy», pryśviečany stanaŭleńniu i raźvićciu biełaruskaj dziaržaŭnaści, instytutaŭ ułady i hramadzianskaj palityčnaj nacyi, startuje 7 kastryčnika. Dakumientalny cykł składajecca z troch filmaŭ. Kožnaja sieryja pryśviečana asobnaj śfiery: palitycy (źniešniaj i ŭnutranaj), ekanomicy i raźvićciu sacyjalnaj śfiery.
«U novym prajekcie my pastarajemsia bolš padrabiazna i detalova praanalizavać palityčnaje, ekanamičnaje i sacyjalnaje raźvićcio našaj krainy za apošnija dva dziasiatki hadoŭ. Sutnaść prajekta taksama ŭ supraćpastaŭleńni — u tym, kab nahadać i pakazać, u tym liku i novamu pakaleńniu biełarusaŭ, jakoj była kraina ŭ 90-ja, ź jakich pazicyj pryjšłosia startavać maładoj dziaržavie», — cytuje pres-słužba hałoŭnaha dyrektara Ahienctva telenavin Biełteleradyjokampanii, kiraŭnika prajekta Ivana Ejsmanta.
Prezidenckija vybary adbuducca ŭ Biełarusi 11 kastryčnika, daterminovaje hałasavańnie pačynajecca 6 kastryčnika.
