Adzin sa staličnych telekanałaŭ mianiaje nazvu
Z 1 vieraśnia telekanał «Minsk 24 DOK» źmienić nazvu na «Minsk TV». Naroŭni z dakumientalnymi filmami ŭ sietcy viaščańnia źjaviacca mastackija kinakarciny i histaryčnyja sieryjały, havorycca ŭ aficyjnym paviedamleńni kanała.
U efiry zastanucca teleprajekty «Minsk 24DOK»: infarmacyjnaja prahrama «Svoječasova», tok-šoŭ «Davajcie raźbiaremsia!», Intelektualnaja hulnia «Płej-of šoŭ» i paznavalnaja prahrama «Spadčyna», pryśviečanaja haradam i miastečkam Biełarusi. Taksama kanał nie maje namieru admaŭlacca ad pieradač «TB-Pierachop», «Utajmavalniki stychij» i «Mahistral».
«Pavodle daśledavańniaŭ, naš hladač choča apieratyŭna daviedvacca pra žyćcio Minska, hladzieć darahija filmy i cikavuju dakumientalistyku», — paviedamlaje kanał.
«Minsk 24 DOK» — ułasny telekanał najbujniejšaha staličnaha kabielnaha apieratara MTIS. Pačaŭ viaščańnie 1 červienia 2012 hoda. Z červienia 2014-ha staŭ dastupny ŭ sietkach interaktyŭnaha telebačańnia ZALA, achapiŭšy aŭdytoryju pa ŭsioj krainie.
