Выйшла калекцыя гадзіннікаў пра міфы і легенды Беларусі
У брэнда Hvilina выйшла лімітаваная калекцыя гадзіннікаў Star Chronicle на тэму міфаў і легенд Беларусі пра Сонца і Месяц. Рэдкі матэрыял аб старажытных паданнях дапамагла сабраць экс-супрацоўніца Нацыянальнай акадэміі навук Беларусі Ірына Клімковіч, піша «Будзьма».
У якасці візуальнай выявы Месяца і Сонца на цыферблаце дызайнеры Hvilina распрацавалі стылізацыю арыгінальнага герба Францыска Скарыны XVI стагоддзя, а дэкор задняга вечка гадзінніка выкананы ў выглядзе батлейкі.
Паводле аднаго са старажытных міфаў, вядомаму як «Нябесная сям’я», або «Нябеснае вяселле», Сонца і Месяц паўстаюць ідэальнай шлюбнай парай, а зоркі — іх дзеці.
Серыя прадстаўлена мужчынскімі механічнымі і жаночымі кварцавымі мадэлямі. Кошт па перадзамове — ад 169 да 341 еўра (у залежнасці ад колеру мадэлі).
Чытайце таксама:
Беларускі гадзіннік з касмічным дызайнам атрымаў прэстыжную прэмію
«Луч» выпусціў лімітаваную серыю гадзіннікаў да Дня роднай мовы
Завод «Луч» выпусціў серыю гадзіннікаў, прысвечаную Міхалу Клеафасу Агінскаму
