У цэнтры Мінска пабудуюць незвычайны жылы комплекс. З гардэробнымі і вокнамі ў санвузлах
Жылы комплекс у межах вуліц Захарава і Андрэеўскай пачнуць будаваць праз месяц-паўтара. Пра гэта расказаў генеральны дырэктар «Мінскбуда» Аляксандр Церахаў, пішуць Мінск-навіны.
Мінск-навіны
Аляксандр Церахаў удакладніў, што некалькі гадоў таму пачалі распрацоўку дакументацыі для будаўніцтва гэтага комплексу. Сёлета пляцоўку расчысцілі, і цяпер засталося дачакацца апошніх дазвольных дакументаў.
Дырэктар «Мінскбуда» падкрэсліў, што «праз месяц-паўтара» пачнуць асваенне гэтай тэрыторыі. У выніку ў мікрараёне размесцяцца дамы зменнай паверхавасці з сучаснымі фасадамі. На першых паверхах будуць памяшканні для малога бізнэсу, у тым ліку для розных кафэ і іншых аб'ектаў.
Па словах Аляксандра Церахава, кватэры такога фармату пакуль рэдка сустракаюцца, але карыстаюцца папулярнасцю. Іх асаблівасці — асобныя гардэробныя і вокны ў санвузлах.
Кіраўнік «Мінскбуда» ўдакладніў, што «такія вось модныя» фішкі «сёння вельмі запатрабаваныя ў моладзі і на рынку жылля».
Абяцаюць таксама абсталяваныя гульнявыя пляцоўкі і дастатковую колькасць машына-месцаў.
Чытайце таксама:
У Мінску прадаюць элітную кватэру з відам на плошчу Перамогі. Колькі просяць?
У цэнтры Мінска прадаецца «сталінка» з трохкутнай прыбіральняй і голымі цаглінамі ў інтэр'еры
