У Гомелі знікла сувязь з маці Іллі Міронава
Былы палітвязень і валанцёр Ілля Міронаў паведаміў у сваіх сацсетках, што з учарашняга дня не мае сувязі са сваёй маці. Магчыма, Валянціну Міронаву маглі затрымаць падчас хвалі пераследу сваякоў зняволеных, якая пракацілася па ўсёй Беларусі 23 студзеня.
Валянціна і Ілля Міронавы
Сёлета Валянціне Міронавай мае споўніцца 74 гады.
Праваабаронцы паведамляюць пра тое, што, як мінімум, 100 чалавекі прайшлі праз ператрусы і затрыманні падчас апошняй карнай акцыі сілавікоў. З іх больш за 30 асобаў былі накіраваныя ў ізалятары часовага ўтрымання.
Паводле папярэдняй інфармацыі праваабарончага цэнтру «Вясна», прычынай зацікаўленасці з боку КДБ стала дапамога сем’ям палітвязняў ад ініцыятывы INeedHelpBY, якую днямі лукашысты прызналі «экстрэмісцкім фармаваннем».
Чытайце таксама:
Учора пад пераслед трапілі сама меней 100 чалавек — праваабаронцы
У Гомелі прайшоў ператрус на кватэры палітэмігранта, затрымалі яго маці
Учора падчас хапуна затрымалі былую актывістку страйкама на «Паліміры» Алену Вінакураву
Марыну Адамовіч арыштавалі на 15 сутак
Сілавікі затрымалі былую журналістку catholic.by Аксану Ючкавіч
