Знайсці
18.05.2024 / 21:0515РусŁacБел

Жыгар з «Белпола»: Сыходзім ад прывязкі да аб'яднання сілавікоў. А Сахашчык нам нецікавы

Журналіст «Нашай Нівы» на адным з дыпламатычных прыёмаў сустрэў прадстаўніка «Белпола» Уладзіміра Жыгара і задаў некалькі пытанняў — пра Сахашчыка, абмену сексотаў КДБ на палітвязняў і іншае.

Апошнім часам Белпол выпусціў некалькі гучных расследаванняў, Лукашэнка апраўдваўся нягегла і публічна — што рэдкасць. 

Уладзімір Жыгар — адзін з асноўных твараў Белпола пасля таго, як арганізацыя раскалолася. Гаварыць з былымі сілавікамі складана. Яны не расказваюць і лічаць сакрэтнымі нават тыя рэчы, якія, здавалася б, можна было б і публічыць. Але як ёсць. 

Прыводзім кароткую размову. 

— Што думаеце пра канспіралагічны ліст Сахашчыка (аб удары па АЭС)? Ці верыце ў тое, што інфармацыю перадалі заходнія спецслужбы?

— Нам гэты ліст Сахашчык таксама адправіў. Тэкст у ім, мякка кажучы, выклікаў у нас пытанні. Як па змесце, так і па выкананні: дакумент не робіцца сакрэтным ад таго, што на ім напісалі «цалкам сакрэтна». Гэта не так працуе. 

— А як ацэньваеце той канспіралагічны канал, адкуль Сахашчык чэрпае свае інсайды? 

— Гэтая персона і яго дзейнасць нам не вельмі цікавая. 

— Выглядае, што Белпол сыходзіць у бок эканамічных расследаванняў. 

— Белпол сыходзіць ад прывязкі да «Аб’яднання былых сілавікоў»: задачы, якія мы вырашаем, інфармацыю, якую мы збіраем і аналізуем, падыходы і метады наўрад ці ўжо маюць наўпроставую сувязь з нашым мінулым. Мы выраслі і выйшлі на іншы ўзровень у разуменні працэсаў у Беларусі. Цяпер мы — дэмакратычная арганізацыя з пэўным бэкграўндам і профілем дзейнасці. Мы пашырылі і павялічылі свой штат, цяпер у ім і эканамісты, і аналітыкі і айцішнікі.

Так, эканоміка нас цікавіць: санкцыі супраць выканаўцаў нічога не даюць, рэжым не пераймаецца лёсамі сваіх шасцёрак у судзейскіх манціях ці ў міліцэйскай форме. А вось эканоміка — гэта балюча. І мы пайшлі туды.

І мы найбольш цэнім тое, што нашыя крыніцы з Беларусі. Яны там жывуць, [шмат] ведаюць. І дзеляцца інфармацыяй з намі. Такім чынам гэтыя людзі адчуваюць сваю датычнасць да барацьбы за дэмакратыю. Як могуць. 

— Шмат увагі Лукашэнку. 

— Так. Бо ўся Беларусь, па вялікім рахунку, гэта актыў сям’і Лукашэнкаў. Гэта калі па-філасофску. А практычна… Мы лічым, што дабярэмся і выцягнем на белы свет і персанальныя актывы сям’і Лукашэнкаў за мяжой.

— Што цікавага рыхтуеце? 

— У бліжэйшую нядзелю мы раскажам, як Лукашэнка зарабляе на вайне, адначасова расказваючы пра недапушчальнасць пралівання крыві. Мы лічым, што гэта ў нас атрымаецца нават з элементамі міжнароднага скандалу, будзе на што паглядзець. 

— Раскажыце пра агентаў КДБ на Захадзе. Які звычайны партрэт чалавека, які супрацоўнічае са спецслужбамі рэжыму, што імі рухае? Колькі вы іх знайшлі ўжо? І як увогуле распазнаць стукача ў сваім атачэнні. 

— Штомесячна нам паступае некалькі дзясяткаў запытаў ад беларускіх дыяспар з просьбамі праверыць людзей. Дарэчы, прасілі нават праверыць журналістаў «Нашай Нівы», якія ў нейкай там сітуацыі паказаліся падазронымі.

Вельмі часта просяць: «а праверце вось такога, таму што ён цікавіцца рэчамі, да якіх у яго няма прамога інтарэсу; навязваецца, імкнецца ўбудавацца ў працэсы і засвоіцца ў чужых кампаніях». Але забаўна, што такія падазрэнні часцей за ўсё аказваюцца памылковымі.

«Агентамі» ў тым сэнсе, што потым перадаюць інфармацыю спецслужбам рэжыму, з’яўляюцца такія людзі, на якіх не падумаеш. Якія часта робяць гэта мімаволі, паддаўшыся на шантаж. Такіх мы таксама знаходзілі. Практычны вынік — іх затрымлівалі, а потым дэпартавалі з Еўрасаюза назад у Беларусь.

— А ці магчымы быў бы варыянт абмену такіх сексотаў на палітвязняў? 

— Думаю, што не. Любыя сексоты каштоўныя для рэжыму толькі пакуль прыносяць карысць. Калі іх схапілі — яны ўжо непатрэбныя, яны не ўяўляюць каштоўнасці для абмену. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
44
Панылы сорам
5
Ха-ха
5
Ого
2
Сумна
5
Абуральна
6
1
даведка/адказаць/
19.05.2024
Расследователи уже плодятся черенкованием... БРЦ Ивашкевича успел распасться на «Бюро Медиа».
0
Валера/адказаць/
19.05.2024
Канешне не цікавы, бо можна выйсці на сябе ў чарговым расследаванні
1
Питон/адказаць/
19.05.2024
Валя, так само население у нас такое в принципе. откуда взяться единству в отдельной группе людей? даже 20-й показал, что все что может у нас быть происходит стихийно и не на почве каких-то идей, а обычных обид, но также быстро все это и идет на спад, а обиды забываются. такое ощущение будто до 20-го их никто не обманывал и не фальсифицировал ничего. абсурд. а если в историю капнуть - так там примерно все тоже самое. делайте выводы стоит ли ваше здоровье того чего никто не оценит никогда толком.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930