Яўген Прыгожын звязаўся з прадстаўнікамі Кадырава для перадачы пазіцый у Бахмуце
На яго думку, байцы спецназа «Ахмат» «абавязкова возьмуць» Бахмут.
Кіраўнік ПВК «Вагнер» Яўген Прыгожын звязаўся з прадстаўнікамі кіраўніка Чачні Рамзана Кадырава для перадачы пазіцый у Бахмуце з 10 мая.
«Я ўжо звязваюся з яго прадстаўнікамі, каб перадачу пазіцый пачаць ажыццяўляць неадкладна, для таго, каб 10 мая, у 00:00, роўна ў той момант, калі па нашых разліках мы цалкам вычарпаем свой баявы патэнцыял», — сказаў Прыгожын.
На яго думку, байцы спецназа «Ахмат» «абавязкова возьмуць» Бахмут.
4 і 5 мая Прыгожын выклаў серыю ролікаў, у якіх абвясціў, што ПВК «Вагнер» выведзе свае войскі з Бахмута 10 мая, калі не атрымае неабходных боепрыпасаў ад Міністэрства абароны.
Рамзан Кадыраў паведаміў, што «вагнераўцаў» у Бахмуце могуць змяніць байцы «Ахмата».
Ён заявіў, што вайскоўцы не пакінуць «добра ўмацаваныя пазіцыі» ва Украіне на фоне паведамленняў пра будучы контрнаступ УСУ, якія ён назваў «таннай прапагандай».
Чытаць таксама:
Істэрыкі Прыгожына паказваюць, што Расія можа быць бліжэйшай да 1917 года, чым мы думаем
Прыгожын заявіў, што выведзе «Вагнер» з Бахмута 10 мая
Прыгожын заявіў, што выведзе вагнераўцаў з Бахмута. Што думаюць на гэты конт УСУ
