Маск аднавіў акаўнт Трампа ў Twitter па выніках апытання
Раней у Twitter-акаўнце Маска завяршылася галасаванне наконт разблакіроўкі старонкі Трампа, 52% удзельнікаў выказаліся «за».
Свае галасы аддалі больш за 15 мільёнаў карыстальнікаў, а ўбачылі апытанне 134 мільёны, удакладніў Маск. Таксама пад апытаннем прадпрымальнік пакінуў твіт з лацінскай фразай Voz Populi, Vox Dei — «Голас народа — голас Божы». Яе ж ён напісаў у твіце, у якім абвясціў аб планах разблакіраваць акаўнт Трампа.
Незадоўга да заканчэння апытання Маск паведаміў пра напад на яго «арміі ботаў і троляў».
«Некалькі цікавых урокаў для чысткі будучых апытанняў», — дадаў прадпрымальнік.
Reuters піша, што сам Трамп не ўбачыў «ніякіх прычын» вяртання ў сацсетку.
Сацсетка назаўжды заблакіравала акаўнт тады яшчэ дзеючага прэзідэнта ў студзені 2021-га года, пасля штурму Капітолія, «з-за рызыкі далейшага падбухторвання да гвалту». У Трампа было амаль 90 мільёнаў падпісчыкаў.
