Украіна ўзмоцніць ахову мяжы з Беларуссю
Украіна цалкам кантралюе сітуацыю на сваёй мяжы з Беларуссю. Зараз памежнікі ўзмацняюць абарону і гатовыя да магчымых правакацый.
Пра гэта ў каментары РБК-Украіна сказаў першы намеснік міністра ўнутраных спраў Украіны Яўген Енін.
«Сітуацыя на мяжы цалкам кантралюецца. Суседзі павінны ўсведамляць, што ўкраінскія мяжы падрыхтаваныя да падобных правакацый. Ужо пралічаныя верагодныя напрамкі, якімі могуць дабрацца да Украіне мігранты», — распавёў ён.
Енін адзначыў, што цяпер на ўчастку ўкраінска-беларускай мяжы праводзіцца ўзмацненне сіл і сродкаў, каб стрымаць паток мігрантаў у выпадку неабходнасці.
«Прымаюцца меры па інжынерным уладкаванні ўчастка дзяржаўнай мяжы Украіны з Беларуссю. Органы аховы ўзмоцняцца колькасным складам, тэхнікай і адмысловымі сродкамі, у тым ліку беспілотнікамі, і службовымі сабакамі», — паведаміў прадстаўнік МУС.
